Fotografias
Fèsta occitana a Barcelona, a l'ocasion del cinquen anniversari de Jornalet
Ongan Jornalet a festejat son cinquen anniversari amb d’eveniments per tot lo país, e tanben en Catalonha. Dins aquel sens, lo 1r de julhet se tengèt a Barcelona una granda fèsta occitana que la còla de Jornalet organizèrem amb la collaboracion de Viasona e del Centre Artesà Tradicionàrius.
La fèsta prepausèt un cors d’iniciacion a l’occitan per catalanofòns, una animacion al bar pendent l’ora del sopar, e puèi un balèti occitan amb Kaj Tiel Plu e un concertàs de Goulamas’K. L’eveniment foguèt presentat per la deputada aranesa Mireia Boya.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.