Aqueste 11 de setembre de 2020, la Diada nacionala de Catalonha s’es debanada d’un biais atipic a causa de la pandemia de la covid-19. Dins aquel encastre se son tenguts 131 acamps qu’an amassat environ 60 000 personas. Aquelas mobilizacions an a denonciat la discriminacion economica e sociala que la patís Catalonha e que pòrta tòrt als ciutadans, en mai de revendicar l’independéncia coma lo sol mejan de revirar aquela situacion. D’autre caire mai se son tengudas diversas marchas de veituras dont una devèrs la preson de Lledoners, ont son embarrats la majoritat dels presonièrs politics. Al ser Barcelona i aguèt una manifestacion de protèsta per denónciar la justícia espanhòla e exigir quitament del govèrn de la Generalitat qu’arrèste la repression de la polícia catalana, los Mòssis d’Esquadra, e que torne al camin de la desobesissença a l’estat.
 
Vaquí qualques imatges de la jornada.