Eth, 5 d'agost passat, auec lòc era prumèra edicion dera Corsa Populara de BTT Lairissa Bike, damb gessuda e arribada en Vilamòs (Irissa). Pròp de miei centeat de ciclistes gesseren eth dimenge peth maitin tà ua rota que les amièc enquia Arres de Jos, Arres de Sus, horcalh deth camin de Bossòst cap a Margalida, Bassa d’Arres.
 
A compdar dera Bassa d’Arres es ciclistes poderen contunhar peth circuit long que les portèc per Uishèra  enquia era meta e peth circuitcurt  que les amièc enquia Vilamòs passant un aute viatge per Arres de Sus.
 
Es tres prumèrs classificadi deth circuit curt sigueren, German Sagastume de Vilamòs (1e), Jaime Gil de Garòs(2u) e Isaac Castet d’Arres de Sus (3a). Es tres prumèrs classificadi deth circuit long sigueren; Eduardo Puente de Vielha (1r), Joan Amadeu Gili d’Artesa de Segre (2u) e Xoan Falcó d’Arties (3u)
 
Ena categoria des hemnes en pòdium sigueren Lucía González de Betren (1a), Daniela Buitrago de Vielha (2u) e Mercé Badia de Torrefarrera (3u).
 
Era pròva esportiua siguec organizada pera Associacion Es Paums e compdèc damb eth supòrt der Ajuntament de Vilamòs e deth Conselh Generau d’Aran.