Actualitats
Acòrdi istoric de l’UE per crear un fons europèu contra la crisi de la covid-19
Los dirigents europèus an pachat un plan de 750 miliards d’èuros dont 390 consistiràn en ajudas dirèctas e la rèsta en crèdits
Al començament d’aquesta setmana, los dirigents de l’Union Europèa son arribats a un acòrdi per crear un fons de recuperacion de 750 miliards d’èuros, dont mai del 50% consistiràn en d’ajudas dirèctas als estats pus afectats per la pandemia de la covid-19. Après quatre jornadas de sesilhas de negociacion sens fin, los caps dels estats e dels govèrns de l’Union Europèa an pachat d'ajudas economicas que se finançaràn amb lo deute comunautari. L’acòrdi compren 390 miliards d’èuros en subsidis e environ 360 miliards en crèdits.
La chifra de las ajudas dirèctas es luènh dels 500 miliards d’èuros que se prepausavan al començament. Mai que mai a causa de l’oposicion dels Païses Basses a finançar d’estats coma l’espanhòl o l’italian. “Avèm agut escotat de promessas de reformas economicas non menadas a bon tèrme”, çò disiá la setmana passada lo primìer ministre neerlandés Mark Rutte. Pasmens, lo govèrn espanhòl se declara content de la decision finala e mai siá previst que recépia 140 miliards dont 72 en subsidis, çò es 5 miliards de mens que çò que Pedro Sánchez reclamava.
Merkel e Macron an revendicat l’acòrdi
Lo president francés, Emmanuel Macron, a revendicat l’acòrdi dels Vint e Sèt sul fons de recuperacion e lo budget pluriannadièr coma un “cambiament istoric per Euròpa e l’eurozòna”. Dins la conferéncia de premsa conjoncha amb la cancelièra alemanda, Angela Merkel, Macron s’es mostrat convencut que lo plan respondiá “a l’escomesa sanitària, economica e sociala” que l’afrontava Euròpa, e a defendut que res èra pas possible sens França e Alemanha ensems. De son latz, Merkel a soslinhat que l’acòrdi èra un “bon signe” e s’es mostrada solaçada pel pache entre los dirigents europèus. “Es pas estat aisit, mas enfin i sèm arribats”, çò a afirmat la cancelièra.
La chifra de las ajudas dirèctas es luènh dels 500 miliards d’èuros que se prepausavan al començament. Mai que mai a causa de l’oposicion dels Païses Basses a finançar d’estats coma l’espanhòl o l’italian. “Avèm agut escotat de promessas de reformas economicas non menadas a bon tèrme”, çò disiá la setmana passada lo primìer ministre neerlandés Mark Rutte. Pasmens, lo govèrn espanhòl se declara content de la decision finala e mai siá previst que recépia 140 miliards dont 72 en subsidis, çò es 5 miliards de mens que çò que Pedro Sánchez reclamava.
Merkel e Macron an revendicat l’acòrdi
Lo president francés, Emmanuel Macron, a revendicat l’acòrdi dels Vint e Sèt sul fons de recuperacion e lo budget pluriannadièr coma un “cambiament istoric per Euròpa e l’eurozòna”. Dins la conferéncia de premsa conjoncha amb la cancelièra alemanda, Angela Merkel, Macron s’es mostrat convencut que lo plan respondiá “a l’escomesa sanitària, economica e sociala” que l’afrontava Euròpa, e a defendut que res èra pas possible sens França e Alemanha ensems. De son latz, Merkel a soslinhat que l’acòrdi èra un “bon signe” e s’es mostrada solaçada pel pache entre los dirigents europèus. “Es pas estat aisit, mas enfin i sèm arribats”, çò a afirmat la cancelièra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quune acòrdi istoric? Los pòbles del sud pagaran pel budgèt europèu çò que recebràn ambe aqueste acòrdi, ja que deuràn compensar lo rabais budgetari de païsses del nòrd amai lors contribucions acostumadas. 390 milliards d'ajudas virtualas mentre que la BCE ofris lo triple a las bancas privadas sens contrapartida sociala nimai ecologica! E sèm supausats aplaudir???
Darrier accòrd istoric de l'UE; Après quò es la bancarota.
Lo covid 19 a pas lo poder de crear una crisa economica e financiera. La crisa exista dempuei que l'UE s'es facha. Que quò es qu'an totjorn mestier de colectar de l'argent par lo biais de l'impost e lo tornar distribuar en fasan dau chantage? Lo chantage de l'UE es la dominacion per lo biais de l'usura (te prestan mas faudra lo tornar a un pretz 3 o 4 còps pus fòrt). Podan pas laissar aquel argent dins las regions?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari