Actualitats
An assassinadas tres politicianas curdas a París
Las an tuadas d’un còp de fuòc al cap dins lo Centre d’Informacion de Curdistan. Una d’elas èra fondadora del PKK
Tres politicianas curdas foguèron assassinadas ièr de matin a París (França), segon çò qu’a raportat la polícia francesa. Las victimas son Sakine Cansiz, una de las fondadoras del PKK; Fidan Dogan, representanta del Congrès Nacional de Curdistan, amb sedença a Brussèlas; e l’activista Leyla Soylemez. Òm las assassinèt dins lo Centre d’Informacion de Curdistan, a París, segon lo web d’informacion sus Curdistan Actukurde.fr.
D’amics de las tres victimas intrèron ièr de matin dins lo Centre d’Informacion de Curdistan, preocupats qu’èran perque las tres politicianas respondián pas a las telefonadas. I trobèron los còrses amb un còp de fuòc al cap.
La polícia francesa a raportat que, probable, l’assassinat se debanèt a tres oras del matin e los autors del crime empleguèron d’armas amb de silencioses.
I a una coïncidéncia amb lo començament de las negociacions entre lo govèrn turc e lo fondador del PKK, Abdullah Öcalan.
La Federacion de las Associacions Curdas de França a apelat totes los curds residents en Euròpa a manifestar a París per denonciar lo crime.
D’amics de las tres victimas intrèron ièr de matin dins lo Centre d’Informacion de Curdistan, preocupats qu’èran perque las tres politicianas respondián pas a las telefonadas. I trobèron los còrses amb un còp de fuòc al cap.
La polícia francesa a raportat que, probable, l’assassinat se debanèt a tres oras del matin e los autors del crime empleguèron d’armas amb de silencioses.
I a una coïncidéncia amb lo començament de las negociacions entre lo govèrn turc e lo fondador del PKK, Abdullah Öcalan.
La Federacion de las Associacions Curdas de França a apelat totes los curds residents en Euròpa a manifestar a París per denonciar lo crime.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es un afar afros.
Comparason es pas rason, mas una militanta fondatritz d'un partit reconegut coma terrosista al nivèl europèu, coneguda de totes, vivia tranquilament en França.
Aurore Martin, membre d'un partit politic reconegut en França foguèt remandada dins un pais per i èsser jutjada sus son activitat.
Sens conéisser pregondament los dos problèmas, i a quicom que me gèina.
E l'Emmanuel Vallées aliàs Manuel Valles, de que nos dirà per pas reconeisser lo problema curd? Qu'es un afar de grand banditisme?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari