capçalera campanha

Actualitats

EconomiaInternacionalSciénciaSocietat

Lo cap d’Amazon fa lo torista espacial pendent dètz minutas

L’aventura espaciala de Jeff Bezos entraïna una fòrta polemica a causa de la pollucion daissada e de l’argent despensat

Tèxte legit

Jeff Bezos, fondador d’Amazon e òme pus ric de la planeta, faguèt dimars un viatge de dètz minutas dins l’espaci a bòrd de la capsula New Shepard, de la societat Blue Origin. Son fraire Mark Bezos e la pilòta d'82 ans Wally Funk l’acompanhèron. Funk aviá passat las espròvas per venir astronauta dins los ans 1960 mas la NASA la rebutèt per son sèxe. I anèt tanben un quatren viatjaire, Oliver Daemen, un pilòt neerlandés de 18 ans, filh d’un milionari que paguèt 20 milions de dolars per qu’i anèsse; Daemen es la persona pus jove jamai anada dins l’espaci. Al començament, un desconegut aviá pagat 28 milions de dolars dins una venda a l’enquant per participar a aquel viatge, mas finiguèt que refusèt per de problèmas d’agenda.
 
 
Un viatge de 10 minutas
 
La fusada, de 18,3 mètres, viatgèt verticalament e s’enaurèt fins a una altitud de 75 km. Puèi, la capsula se destaquèt e contunhèt de pojar fins a 100 km de distància amb la Tèrra, çò es la linha Karman, que marca la debuta de l’espaci segon la convencion internacionala. Puèi, entamenèt una casuda liura amb tres paracasudas e de retrofusadas per aterrar, enfin, dins lo desèrt. En total, lo trajècte durèt 10 minutas e 18 segondas.
 
 
“Vosautres o avètz pagat aquò”
 
Lo viatge de Jeff Bezos entraïna una fòrta polemica. D’un caire, a causa de la grèva pollucion que l’a daissada lo projècte, e d’autre caire a causa de l’argent despensat. En mai d’aquò, lo cap d’Amazon a fa créisser l’indignacion amb sas declaracions fachas après son aventura: “Vòli mercejar totes los emplegats d’Amazon e totes los clients d’Amazon perque vosautres o avètz pagat”, çò diguèt.
   
 
Branson, primièr torista de l’espaci
 
Fa una setmana, Richard Branson, fondador de Virgin, foguèt lo primièr torista de l'istòria a viatjar dins l’espaci. Lo 10 de julhet passat, s'enaurèt acompanhat de tres autras personas:  l’astronauta Beth Moses, l’engenhaire Colin Bennett e la vicepresidenta de Virgin, Sirisha Bandla.
 
Lo trajècte se faguèt per mejan d’un avion espacial, lo VSS Unity, que conteniá una naveta que se destaquèt de l’avion a 15 km d’altitud e contunhèt de pojar fins a 80 km.

 
 
 
 





abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
4.

1# Efectivament amic Pitaluga es una colhonada e a mai segurament contamina una barbaritat. Los reactors dels avions a reaccion es lo que mai contamina.

  • 2
  • 0
Pitaluga
3.

#1 Ai oblidat de me presentar. Mon nom es Pitèas lo Massaliòt, mas la mamà me sonava son Pitaluga.

  • 2
  • 0
Amīcus Emmanuelis Macrōnis Cīvitās Erōtica Sēnsuālitātis
2.

Ieu ai pas besonh de far de torisme espacial, i a doas causas que me fan sentir en apesantor : parlar occitan amb los amics, e lo President Macron.

  • 1
  • 10
Pitaluga
1.

Aquel s'enviar en l'aire per fa d'apesantor pendent qualques minutas a un centenat escàs de quilomètres de la tèrra, me fa pensar a un coitus interruptus puslèu qu'a una gaujor orgasmica.
E amb aquelas colhonadas, inventan encara un biais de mai de poirir lo mond. Los ricasses, coma sempre, empovolan la vida del brave mond.
Ieu quand pariguèri de Massilia sus mon barcòt latin en cèrca dels territòris de l'ambre, e qu'anèri fins a las brumassas de las zònas frejas d'una iscla qu'ara se sona Islàndia, aquò òc èra una epopèia. Foguèsse pas aquela colha de Strabon que me tractèt de messorguièr, lo mond ara parlarián de ieu aitanplan coma de Cristòl Colomb. Que ni ieu ni el èrem pas complètament segur de poder tornar a l'ostal (veire lo Ferrand Magellan). E ara, aquestes que prenon lo taxi per far quicòm qu'es pas a la portada de totòm perque cal de moneda per s'o pagar, totes los badalucs ne parlan.
Ara mancariá pas que volguèsson democratizar l’invencion, pecaire !

  • 5
  • 0

Escriu un comentari sus aqueste article