Actualitats
Lo vaissèl espacial chinés se pausèt sus la Luna amb succès
Dissabte passat Chang’e 3 a aterrat sus la Luna e lo robòt mobil Yutu es ja a explorar lo satellit
Lo vaissèl espacial chinés sens pilòt Chang’e 3 aterrèt dissabte passat sul cratèr lunar Sinus Iridum. Amb aquel alunatge China ven lo tresen país del Mond, après los Estats Units e l’URSS, qu’arriba sus la Luna. Es lo primièr alunatge que se fa dempuèi 37 ans e 4 meses.
Chang’e 3 foguèt lançat lo 2 de decembre e se botèt sus l’orbita lunara lo 6 de decembre passat, virèt a l’entorn del satellit fins que i alunèt dissabte passat, 14 de decembre, a 14h12 segon l’ora d’Occitània. La manòbra durèt 12 minutas e l’emetèron en dirècte sus qualques cadenas de la television estatala chinesa. Lo vaissèl davalèt en descrivent una parabòla e en se plaçar a 100 mètres dessús la superfícia de la Luna. Alavetz planèt doçament fins a se pausar sus la Luna, gaireben sens levar de posca. Qualques minutas puèi, despleguèt sos panèls solars per acomolar l’energia que n’auriá de besonh per liberar un robòt nomenat Yutu, qu’a l’ora d’ara es ja a percórrer la Luna.
China es, doncas, lo primièr país que fa córrer un robòt sus la Luna, après l’URSS qu’o faguèt fa 40 ans per lo darrièr còp. De fach, lo gigant asiatic cèrca d’i menar d’astronautas a tèrme long e, tanben, d’aver una basa espaciala permanenta qu’orbite a l’entorn de la Tèrra.
Los encargats del programa espacial chinés an causit l’endrech de Sinus Iridum per sa superfícia plana: aquò facilita las comunicacions e fa que lo robòt recépia de lutz mai longtemps del Solelh. En mai d’aquò, es un airal de la Luna qu’es pas jamai estat explorat.
Lo nom de Chang’e 3, qu’a ja mandat d’imatges de plan bona qualitat del satellit, ven de la divessa Chang’e, que segon la mitologia chinesa demòra en la Luna.
China aviá ja lançat doas sondas en 2007 e 2010, Chang’e 1 e Chang’e 2.
Chang’e 3 foguèt lançat lo 2 de decembre e se botèt sus l’orbita lunara lo 6 de decembre passat, virèt a l’entorn del satellit fins que i alunèt dissabte passat, 14 de decembre, a 14h12 segon l’ora d’Occitània. La manòbra durèt 12 minutas e l’emetèron en dirècte sus qualques cadenas de la television estatala chinesa. Lo vaissèl davalèt en descrivent una parabòla e en se plaçar a 100 mètres dessús la superfícia de la Luna. Alavetz planèt doçament fins a se pausar sus la Luna, gaireben sens levar de posca. Qualques minutas puèi, despleguèt sos panèls solars per acomolar l’energia que n’auriá de besonh per liberar un robòt nomenat Yutu, qu’a l’ora d’ara es ja a percórrer la Luna.
China es, doncas, lo primièr país que fa córrer un robòt sus la Luna, après l’URSS qu’o faguèt fa 40 ans per lo darrièr còp. De fach, lo gigant asiatic cèrca d’i menar d’astronautas a tèrme long e, tanben, d’aver una basa espaciala permanenta qu’orbite a l’entorn de la Tèrra.
Los encargats del programa espacial chinés an causit l’endrech de Sinus Iridum per sa superfícia plana: aquò facilita las comunicacions e fa que lo robòt recépia de lutz mai longtemps del Solelh. En mai d’aquò, es un airal de la Luna qu’es pas jamai estat explorat.
Lo nom de Chang’e 3, qu’a ja mandat d’imatges de plan bona qualitat del satellit, ven de la divessa Chang’e, que segon la mitologia chinesa demòra en la Luna.
China aviá ja lançat doas sondas en 2007 e 2010, Chang’e 1 e Chang’e 2.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un jove tibetan a son paire :
"Papà, papà ! çò pareis, los chineses aniràn sus la Luna !"
"A, bon !? Totes ?"
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari