Actualitats
Primièra assemblada de legeires de Jornalet
Demièg las conclusions, cal soslinhar lo besonh de mai de cronicaires d’opinion de tendéncias e ideologias mai divèrsas
Un desenat de personas participèron ièr de matin a la primièra assemblada de legeires de Jornalet. La reünion se debanèt al taulièr de Macarèl en ocasion de l’Estivada. Aquí lo capredactor del jornal, Ferriòl Macip, escotèt totas las opinions dels participants.
Demièg las conclusions, cal soslinhar que Jornalet auriá besonh de mai de cronicaires d’opinion de tendéncias e ideologias mai divèrsas en tot far aquela tribuna mai transversala e representativa de la societat d’Occitània. Se prepausèt tanplan de nòvas idèas dins los contenguts d’actualitat, coma d’articles qu’expliquen Occitània e son istòria. Se parlèt tanben de melhorar qualque aspècte tecnic.
L’assemblada de legeires contunharà lo 20 d’agost a 17h15 dins l’Escòla Occitana d’Estiu a Vilanuèva d’Òlt (Naut Agenés).
Sèm conscients que lo prètzfach es grand e las ressorsas son escarsas, mas esperam de rompre los clichats e los complèxes amb l’ajuda de totes. Sèm pas perfièches e es plan segur que fasèm d’errors. Esperam alavetz que nos ajudaretz a nos melhorar amb los vòstres comentaris, criticas e contribucions. Fasètz-vos vòstre lo Jornalet perque lo Jornalet es de totes.
Demièg las conclusions, cal soslinhar que Jornalet auriá besonh de mai de cronicaires d’opinion de tendéncias e ideologias mai divèrsas en tot far aquela tribuna mai transversala e representativa de la societat d’Occitània. Se prepausèt tanplan de nòvas idèas dins los contenguts d’actualitat, coma d’articles qu’expliquen Occitània e son istòria. Se parlèt tanben de melhorar qualque aspècte tecnic.
L’assemblada de legeires contunharà lo 20 d’agost a 17h15 dins l’Escòla Occitana d’Estiu a Vilanuèva d’Òlt (Naut Agenés).
Sèm conscients que lo prètzfach es grand e las ressorsas son escarsas, mas esperam de rompre los clichats e los complèxes amb l’ajuda de totes. Sèm pas perfièches e es plan segur que fasèm d’errors. Esperam alavetz que nos ajudaretz a nos melhorar amb los vòstres comentaris, criticas e contribucions. Fasètz-vos vòstre lo Jornalet perque lo Jornalet es de totes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3
Levatz-vos e metètz-vos al trabalh per de vertat. Cambiarà.
Aier d'apres-disnar, un fuec dintre a selva d'A Torbia, al ras de Caboalh...
Piromana amb intension imobiliària?...
Mei de cronicaires d'opinions encara !
Quand n'i a pas digun end'escríver un mòt suus centenats d'ectars de sèuva que craman pertot en occitània, quand la crisis greca es escampilhada aus sovenirs, quand lo sequèir menaça las recòltas agricòlas pertot shens la premsa occitana n'ic mentavi briga, quand los agricultors son en luta ende lor reconeishéncia shens nat sosten dau movement occitanista...
E be miladiu, l'occitanisme se poirà remirar lo melic, au mensh.
#1 Deuriatz escriure aquò dins una opinion per Jornalet!
Fa una bèla longor amai.
Mai d'ideologia, de tendencias e d'opinions diversas? Quò me fai plan rire.
Jamai i a agut dins la vista tertant de monde que son 'nats a l'escòla emben lo bac mai quauqua ren e l'òm viu sens se parlar, los uns a costat daus autres, emben de relacions que son lo pus sovent conflictualas que que siaja dins lo trabalh, sus la rota en familha o alhors. Segur, i a quauqu'a ren que vai pus au pais de la marquisa.
Es quò qu'un doctor-es lettras, un es- filosofia, es-tot çò voldretz cerchan a se comprener? Es quò que cerchan a se coneisser emben daus doctors dins la sciença? Es quò que son prestes a escotar lo profane, l'acuelhir dins son saber e l'aidar a aprener.
Es quò que tot aqueus monde son pretas a acuelhir la contestacion que se vai dins lòr domeine reservat?
Laissam los vielhs eschemas de pensada materialista e plaça a la nòva pensada. Sufis pus de norir, lotgear, vestir per esser uros mas pensam d'abòrd d' esser' uros. Lo monde que ven sera pus dominat per lo metre e lo kilo mas per las frequenças. La frequença envoia de las ondes dins l'aer coma una musica emben sos armonicas. Quò sòrt de las equacions duas scientifics. Las idéias naissam pas de la matiera, naissam pas dins lo cerveu mas son en defòra dau còrps. Avem un còrp fisica e una amna e tots dos an daus comportaments diferents e aquò explique belcòp de causas. Las piramidas son pas estadas fachas emben daus arierats mas per una civilsacion que coneissia lo nombre d'òr e la constanta dau cercle (pi).
Si voletz, podretz trobar tot aquò sus lo site 'legrandchangement" e mai d'autres sites sus internet.
Podetz rire de çò que dise mas veiretz que lo monde entier considerera çò qu'avetz aprengut a l'escòla, pus leu çò qu'avem aprengut a creire dur coma l'acier, coma dau discors de charlatan. e quò vai pus redde que creisetz.
I auria quauqua ren d'eternau chas un autor occitaniste dins çò qu'a escrich?. Cerchar pus leu l'eternitat dins lo moment present. trobaretz la vertat en vos e pas chas los autres.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari