Actualitats
Madrid: los ultradrechistas qu’ataquèron la delegacion de la Generalitat aniràn pas en preson
Lo Tribunal Constitucional espanhòl empacha l’encarceracion dels militants d’ultradrecha qu’ataquèron la delegacion de la Generalitat de Catalonha a Madrid
Lo Tribunal Constitucional espanhòl a suspendut l'empresonament d’un grop de militants d’ultradrecha, condemnats a 4 ans de preson per la Cort Suprèma, per aver assautada la delegacion de la Generalitat de Catalonha a Madrid.
Los faches se passèron l’11 de setembre de 2013. Los atacants intrèron dins lo sit en brandissent de drapèls espanhòls e en cridant que “Catalonha es Espanha”, lancèron de gas lacrimogèn, agarriguèron qualques personas presentas e provoquèron qualques damatges materials. Demest los ferits i aviá una drolleta de 4 ans e un representant de l’ambaissada dels Estats Units.
Los assalhidors foguèron condemnats per la Cort Suprèma, mas atendèron que lor empresonament foguèsse ajornat. Ara, lo Tribunal Constitucional paralisa lor encarceracion e establís que se deu estudiar totes los recorses que la defensa dels ultradrechistas a presentats.
Aquela decision judiciària es considerada escandalosa en Catalonha, ont òm a lo sentiment que i a doas mesuras dins la justícia espanhòla, mai que mai quand los presidents de las doas associacions independentistas e la mitat del govèrn de la Generalitat son en preson per de rasons politicas.
Los faches se passèron l’11 de setembre de 2013. Los atacants intrèron dins lo sit en brandissent de drapèls espanhòls e en cridant que “Catalonha es Espanha”, lancèron de gas lacrimogèn, agarriguèron qualques personas presentas e provoquèron qualques damatges materials. Demest los ferits i aviá una drolleta de 4 ans e un representant de l’ambaissada dels Estats Units.
Los assalhidors foguèron condemnats per la Cort Suprèma, mas atendèron que lor empresonament foguèsse ajornat. Ara, lo Tribunal Constitucional paralisa lor encarceracion e establís que se deu estudiar totes los recorses que la defensa dels ultradrechistas a presentats.
Aquela decision judiciària es considerada escandalosa en Catalonha, ont òm a lo sentiment que i a doas mesuras dins la justícia espanhòla, mai que mai quand los presidents de las doas associacions independentistas e la mitat del govèrn de la Generalitat son en preson per de rasons politicas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal portar lo dossier dels faits a Bruxel·las, a veire s' aquò es democràcia?
Chau dire als provocators professionaus que, sols de cara a la dalhaira lo jorn que vendrà los quèrre (e l'i passarem totes !), faràn mens los fins... E se creson entelligents quand son pas fotuts de veire que desparlan ? Save d'ecellents sicològas que sonhan la frustracion e las plagas de l'enfança... Pensèsson de se faire ofrir per Calendas una annada complèta de terapia !
Emb d'aquò, la melhor respònsa en d'aquela pudecina es d'aquí enlai "Silenci e mespretz". Quò's un conselh per arrestar de s'embestiar emb d'aqueles conarasses desobrats.
#2 Ont ne'n vòls venir amb tas provocacions de pichòt colhon que compren quita pas de que charra ? Sias content de cagar atal dins totis los recantons que trapas per nos provar qu'existisses ?
#4
Disètz: "cerca de causas positivas en Jornalet: ne'n trobaràs pas". Aquesta quita frasa es una messorga! Arlèri, vai! Te val mai legir El Pais e sas "rumors" sus la trama russa.
#4
Alavetz perqué le legetz se non i trobatz cap arren de positiu? Per consciéncia professionala? Pr'amor qu'avetz eth espèr de trobar-i ua bona suspresa?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari