Actualitats
Itàlia: an confiscat la nau Open Arms que salva los migrants naufragats
Los activistas creson que lo procuraire italian cèrca d'arrestar los salvaments
Las autoritats italianas an confiscat preventiment la nau Open Arms de l’organizacion umanitària catalana Proactiva Open Arms. Los acusan d’èsser una assocacion criminala que favorís l’immigracion clandestina. Après esperar durant mai de 24 oras una autorizacion de desembarcament, la nau poguèt intrar al pòrt de Pozzallo per i desembarcar los 216 naufragats socorreguts davant las còstas de Libia.
Lo fondador de l’organizacion umanitària, Òscar Camps, a declarat que compren pas que los acusen de trafec de personas, car Itàlia lor donèt lo permés de desembarcar. Segon el, s’agís de “la manièra qu’a trobat lo procuraire italian per arrestar los salvaments”. Mentretant, los activistas que son dins lo vaissèl sabon pas çò que lor pòt arribar. “Nos podèm esperar a qué que siá. Saique detenon lo capitani e la cap de la mission. Es lo primièr còp que nos arriba una causa coma aquela. Sembla que se tracta d’un afar politic e non pas real”, çò precisèt Camps.
La nau menava 216 migrants que los activistas avián salvats dins las aigas internacionalas davant las còstas de Libia. Al moment del salvament, un batèl militar de Libia menacèt de mòrt los membres d’Open Arms se lor liuravan pas las femnas e los enfants qu’èran estats socorreguts d’una barca conflabla que conteniá cent personas. Lo procuraire de Catània acusa los activistas catalans d’aver pas liurat aquelas personas a las autoritats de Libia.
Segon Camps, lo drech de la mar establís que la proteccion de las vidas umanas es una prioritat absoluda, e el ramenta que de tornar per fòrça de personas en perilh a un país malsegur coma Libia, contraven a l’estatut dels refugiats de l’ÒNU.
Quand lo batèl libian arribèt, la còla de Proactiva Open Arms avián ja trobat la barca e lor avián donat de gilets de salvament. Après doas oras de persecucion dels militars libians contra los activistas catalans, aquestes poguèron partir amb las 216 personas migrantas salvadas.
Puèi, l’esquipatge de l’Open Arms comuniquèt al centre de salvament de Roma que tenián a bòrd 218 migrants, los cent que venián de socórrer e d’autres 117 qu’avián salvats de matin. Lo govèrn italian esperèt 24 oras per lor autorizar l’intrada e lor assignar un pòrt per poder desembarcar los migrants.
En Libia los dreches son pas garentits
Diluns de matin, Òscar Camps explicava sus la ràdio catalana RAC 1 que lo darrièr còp que lo mateis batèl militar libian los aviá interceptats, moriguèron aperaquí cinquanta personas. “Se morisson pas, los tornan en Libia, un estat ont los dreches son pas garentits e ont i a pas cap de zòna per aculhir las personas que socorrèm”, çò diguèt.
D’efièch, en Libia, los migrants riscan d’èsser venduts a l’enquant coma esclaus.
#freeopenarms tuits
Lo fondador de l’organizacion umanitària, Òscar Camps, a declarat que compren pas que los acusen de trafec de personas, car Itàlia lor donèt lo permés de desembarcar. Segon el, s’agís de “la manièra qu’a trobat lo procuraire italian per arrestar los salvaments”. Mentretant, los activistas que son dins lo vaissèl sabon pas çò que lor pòt arribar. “Nos podèm esperar a qué que siá. Saique detenon lo capitani e la cap de la mission. Es lo primièr còp que nos arriba una causa coma aquela. Sembla que se tracta d’un afar politic e non pas real”, çò precisèt Camps.
La nau menava 216 migrants que los activistas avián salvats dins las aigas internacionalas davant las còstas de Libia. Al moment del salvament, un batèl militar de Libia menacèt de mòrt los membres d’Open Arms se lor liuravan pas las femnas e los enfants qu’èran estats socorreguts d’una barca conflabla que conteniá cent personas. Lo procuraire de Catània acusa los activistas catalans d’aver pas liurat aquelas personas a las autoritats de Libia.
Segon Camps, lo drech de la mar establís que la proteccion de las vidas umanas es una prioritat absoluda, e el ramenta que de tornar per fòrça de personas en perilh a un país malsegur coma Libia, contraven a l’estatut dels refugiats de l’ÒNU.
Quand lo batèl libian arribèt, la còla de Proactiva Open Arms avián ja trobat la barca e lor avián donat de gilets de salvament. Après doas oras de persecucion dels militars libians contra los activistas catalans, aquestes poguèron partir amb las 216 personas migrantas salvadas.
Puèi, l’esquipatge de l’Open Arms comuniquèt al centre de salvament de Roma que tenián a bòrd 218 migrants, los cent que venián de socórrer e d’autres 117 qu’avián salvats de matin. Lo govèrn italian esperèt 24 oras per lor autorizar l’intrada e lor assignar un pòrt per poder desembarcar los migrants.
En Libia los dreches son pas garentits
Diluns de matin, Òscar Camps explicava sus la ràdio catalana RAC 1 que lo darrièr còp que lo mateis batèl militar libian los aviá interceptats, moriguèron aperaquí cinquanta personas. “Se morisson pas, los tornan en Libia, un estat ont los dreches son pas garentits e ont i a pas cap de zòna per aculhir las personas que socorrèm”, çò diguèt.
D’efièch, en Libia, los migrants riscan d’èsser venduts a l’enquant coma esclaus.
Impedir el rescate de vidas en peligro en alta mar con el fin de devolverlas por la fuerza a un país no seguro -como es Libia- equivale a llevar a cabo una devolucion en caliente, contraviene el Estatuto de los Refugiados de la ONU pic.twitter.com/AgADbQ8Ttp
— Oscar Camps (@campsoscar) 18 de març de 2018
#freeopenarms tuits
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los acusan d’èsser una assocacion criminala !? Despuèi quand es criminal d'empachar las gents de crebar coma de bèsitas ? E despuèi quand es vertuós de las daissar crebar coma de bèstias ?
Quau v-onta...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari