Actualitats
Bretanha: an fach l’examen del Bac en breton, al risc d’aver zèro
Quinze liceans de terminala an causit de passar l’espròva de matematicas del bachelierat en breton, e revendican lors dreches lingüistics davant lo refús del rectorat
Quinze escolans de terminala del licèu Diwan de Karaez (Bretanha) an decidit de passar lors espròvas en lenga bretona malgrat lo refús categoric de l’Acadèmia. ‘Prenèm lo risc d’aver zèro, lo risc d’aver pas nòstre bac. Mas lo prenèm per far avançar la causa’, çò declara un dels liceans a Ouest France. La decision la prenguèron fa tres setmanas e ‘es pas una accion rebèla mas una accion chifrada’, çò apond en precisar que ‘çò important èra que [lors] parents foguèsson al corrent, pr’amor que son eles que pagan [lors] estudis’.
Sostenguts per plusors personalitats militantas bretonas, los quinze liceans demandan que lors examens sián corregits coma los autres.
De far los examens en breton es una revendicacion de plusors annadas dins aquel licèu ont los escolans estúdian en francés e en breton, mas an totjorn rescontrat una manca de dialòg. Al Bascoat es possible, del costat nòrd òm es autorizat a passar las espròvas d’istòria-geografia e de matematicas.
En mai d’aquò, en 1979 un candidat passèt son bachelierat en lenga bretona, coma ben rapòrta Ouest France.
Una assetada de protèsta
Los escolans faguèron lors examens aqueste divendres passat d’ora de matin. Puèi, a 17h se tenguèt un sit-in davant l’ostal de las entrepresas de Karaez, amb la participacion de divèrsas personalitats e una conferéncia de premsa ont los liceans expliquèron lor cambada.
Podètz trobar en pèça joncha las revendicacions dels liceans, en breton e en francés.
Sostenguts per plusors personalitats militantas bretonas, los quinze liceans demandan que lors examens sián corregits coma los autres.
De far los examens en breton es una revendicacion de plusors annadas dins aquel licèu ont los escolans estúdian en francés e en breton, mas an totjorn rescontrat una manca de dialòg. Al Bascoat es possible, del costat nòrd òm es autorizat a passar las espròvas d’istòria-geografia e de matematicas.
En mai d’aquò, en 1979 un candidat passèt son bachelierat en lenga bretona, coma ben rapòrta Ouest France.
Una assetada de protèsta
Los escolans faguèron lors examens aqueste divendres passat d’ora de matin. Puèi, a 17h se tenguèt un sit-in davant l’ostal de las entrepresas de Karaez, amb la participacion de divèrsas personalitats e una conferéncia de premsa ont los liceans expliquèron lor cambada.
Podètz trobar en pèça joncha las revendicacions dels liceans, en breton e en francés.
Prezidantez #Diwan a gemer ar gaoz evit harpañ stourm al liseidi pic.twitter.com/6EJfG2wOKx
— Fulup Jakez (@Fulupj) 22 de juny de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo resumit es :
Los Bretons son colhuts, los occitans descolhats !
Urrà ! Urrà ! Urrà !
Visca la libertat dels pobles.
Sembla a una presa d'ostatge politica, non? Praubes joens qui probable ne saben pas çò que fasen
Òsca per aquesta accion ciudadana ! D'idèias pel licèu Calandreta a venir ?
Se bòtan en lançaires d'alèrta per las lengas. Òsca per aqueles joves e per lor coratge! N'i aguèsse un pauc d'en pertot, vendriá un problèma pels jacobins acarnassits; e pels mèdias que se veiriá obligats de ne parlar. E pauras petetas televisivas, cargadas de prejutjats : sauprián pas qué dire! Enfin, si: dirián quicòm, de bestièsas coma sempre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari