L’escrivan britanic d’origina indiana Salman Rushdie es estat atacat pendent una conferéncia a Nòva Yòrk, çò rapòrta la BBC. Dempuèi 1989, Rushdie patís de menaças de mòrt per aver escrich Los versets satanics.
 
L’escrivan parlava dins un eveniment de l’Institucion Chautauqua quand un òme se sarrèt d’el, lo tustèt e l’escotelèt. L’assalhidor agarriguèt tanben un autre participant de l’eveniment, que foguèt leugièrament nafrat.
 
La polícia de Nòva Yòrk a confirmat dins un comunicat que Rushdie aviá recebut un còp de cotèl al còl e qu'un elicoptèr l’aviá menat a l’espital. L’agressor presumit es detengut. Segon la governadora de Nòva Yòrk, Kathy Hochul, Rushdie es viu e recep lo tractament necessari.
 
Rushdie, dins sos 75 ans, es menaçat per Iran pel roman Los versets satanics, considerat blasfematòri per las autoritats d’aquel país. En 1989, lo cap suprèm iranian, l’aiatollà Khomeini, emetèt un decret que demandava la mòrt de l’escrivan. Amb lo temps lo govèrn d’Iran se n’es distanciat, mas en 2012 una fondacion religiosa iraniana semioficiala elevèt la recompensa que prepausava per la mòrt de Rushdie, de 2,8 milions de dolars a 3,3.

 

UPDATE: New York Governor Kathy Hochul says author is alive and has been transported to a local hospital.

Hochul adds that the event moderator was also attacked. pic.twitter.com/8xVwxbLtAD

— Moshe Schwartz (@YWNReporter) August 12, 2022

#BREAKING: AP: Author @SalmanRushdie has been stabbed as he was about to give a lecture in western New York. Rushdie famously wrote a book that's been banned in Iran since 1988. Iran’s late leader Ayatollah Ruhollah Khomeini issued a fatwa, or edict, calling for Rushdie’s death. pic.twitter.com/tlTv9KMsx7

— Moshe Schwartz (@YWNReporter) August 12, 2022