Actualitats
Muriel Batbie Castell en concèrt a Tolosa
Poesia En-cantada, dijòus 19 d'abril a l'Ostal d'Occitània
Muriel Batbie Castell, acompanhada per la flauta traversièra de Claude Roubichou, prepausa un recital de cançons e de poèmas acompanhat amb de lecturas en catalan e persan.
Muriel Batbie Castell, nascuda a Tolosa, passionada de lenga e de poesia, apren d'ora la musica e lo cant en tot se daissar breçar per las sonoritats de la lenga occitana qu'ausís dins la siá familha al còr de las Pirenèus. Una formacion solida e completa li permet de cantar un repertòri tant medieval (los Trobadors particularament) coma barròc, liric, tradicional d'aicí e d'endacòm mai, omai contemporanèu. Aquela votz d'una puretat emmascanta nos revela sensiblament l'amna de la tèrra occitana.
Amb las intervencions de Claude Roubichou (flauta traversièra), e la participacion de Marçal Girbau e de Manijeh Nori (lecturas catalan e persan).
JCF
Poesia En-cantada
Recital Muriel Batbie Castell
lo dijòus 19 d'abril a Tolosa (Ostal d'Occitània)
a 19 oras (entrada liura)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari