Actualitats
An trobat un lac d'aiga liquida jol Pòl Sud de Mart
Après quinze ans d’exploracion, la nau espaciala Mars Express a trobat un lac d’aiga liquida d’aperaquí vint quilomètres de larg
Après quinze ans d’exploracion, la nau espaciala Mars Express, de l’Agéncia Espaciala Europèa (ESA), a trobat un lac d’aiga liquida, d’aperaquí vint quilomètres de larg, jos de jaces de glaç e de posca de la zòna polara del sud de Mart. L’estudi lo publiquèt lo 25 de julhet passat la revista Science.
Fa qualque temps, la mission Mars Express descobriguèt que i aviá ja agut d’aiga liquida sus la planeta roja car i trobèt de minerals e d’accidents geografics que solament se poirián èsser formats en preséncia d’aiga. Totun, lo climat aviá cambiat pendent los quatre mila milions d’ans de la planeta e las circonstàncias permetián pas pus que n’i aguèsse sus la superfícia. Per tant, los scientifics comencèron de ne cercar jos la superfícia.
Fa qualque temps que se sospechava que i aviá d’aiga liquida jos la basa de las calòtas polaras de Mart, perque, segon d’estudis faches sus la Tèrra, lo ponch de fusion de l’aiga demenís jos la pression d’un glacièr que la cobrís. De mai, la preséncia de sals sus Mart poiriá manténer l’aiga liquida quitament a de temperaturas dejos zèro. Mas fins ara, las mòstras del radar avançat de Mars Express èran pas conclusentas.
“Aquesta descobèrta es un ponch important per la sciéncia planetària e contribuirà a nòstra compreneson de l’evolucion de Mart, de l’istòria de l’aiga sus nòstra planeta vesina e de son abitabilitat”, çò diguèt Dmitri Titov, scientific del projècte.
Cossí se sap qu’es d’aiga liquida?
La recèrca del radar mòstra que la region del Pòl Sud de Mart es compausada de fòrça jaces de glaç e de poscas a una prigondor d’1,5 quilomètres, aperaquí, dins l’airal de 200 quilomètres que s’es analisat dins aquel estudi. Concretament, lo radar identifiquèt un rebat brilhant jols depauses estratificats dins una zòna de 20 quilomètres de larg.
A l’ora d’analisar las proprietats dels senhals de radar rebatuts, e en considerant la composicion dels depauses estratificats e lo perfil de temperatura esperada jos la superfícia, los scientifics interpretèron aquela caracteristica brilhanta coma una interfàcia entre lo glaç e un còrs estable d’aiga liquida. Per que lo radar pòsca detectar aquel còrs d’aiga, deu aver, almens, qualques desenas de centimètres de prigondor.
“Aquela anomalia subsuperficiala sus Mart a de proprietats del radar que coïncidisson amb l’aiga o los sediments rics en aiga”, çò ditz Roberto Orosei, cercaire e autor principal de l’article de Science. “Aquò es sonque un petit airal d’estudi, mas es una perspectiva esmoventa de pensar que i poiriá aver mai de pòchas sosterranhas d’aiga en d’autres luòcs, encara de descobrir”.
De lacs subglacials sus la Tèrra
La trobalha remembra lo lac Vostok, descobèrt a unes quatre quilomètres dejós lo glaç de l’Antartida. Se sap que qualques formas de vida microbiana prospèran dins los environaments subglacials terrèstres. La question es de saber se los poses sosterranhs d’aiga liquida salada e rica en sediments en Mart poirián porgir tanben un abitat adaptat a la vida. Se i aguèt de vida sus Mart o se n’i poiriá aver es encara una question dobèrta, e aquò es justament çò que van contunhar d’explorar las missions marcianas.
Fa qualque temps, la mission Mars Express descobriguèt que i aviá ja agut d’aiga liquida sus la planeta roja car i trobèt de minerals e d’accidents geografics que solament se poirián èsser formats en preséncia d’aiga. Totun, lo climat aviá cambiat pendent los quatre mila milions d’ans de la planeta e las circonstàncias permetián pas pus que n’i aguèsse sus la superfícia. Per tant, los scientifics comencèron de ne cercar jos la superfícia.
Fa qualque temps que se sospechava que i aviá d’aiga liquida jos la basa de las calòtas polaras de Mart, perque, segon d’estudis faches sus la Tèrra, lo ponch de fusion de l’aiga demenís jos la pression d’un glacièr que la cobrís. De mai, la preséncia de sals sus Mart poiriá manténer l’aiga liquida quitament a de temperaturas dejos zèro. Mas fins ara, las mòstras del radar avançat de Mars Express èran pas conclusentas.
“Aquesta descobèrta es un ponch important per la sciéncia planetària e contribuirà a nòstra compreneson de l’evolucion de Mart, de l’istòria de l’aiga sus nòstra planeta vesina e de son abitabilitat”, çò diguèt Dmitri Titov, scientific del projècte.
Cossí se sap qu’es d’aiga liquida?
La recèrca del radar mòstra que la region del Pòl Sud de Mart es compausada de fòrça jaces de glaç e de poscas a una prigondor d’1,5 quilomètres, aperaquí, dins l’airal de 200 quilomètres que s’es analisat dins aquel estudi. Concretament, lo radar identifiquèt un rebat brilhant jols depauses estratificats dins una zòna de 20 quilomètres de larg.
A l’ora d’analisar las proprietats dels senhals de radar rebatuts, e en considerant la composicion dels depauses estratificats e lo perfil de temperatura esperada jos la superfícia, los scientifics interpretèron aquela caracteristica brilhanta coma una interfàcia entre lo glaç e un còrs estable d’aiga liquida. Per que lo radar pòsca detectar aquel còrs d’aiga, deu aver, almens, qualques desenas de centimètres de prigondor.
“Aquela anomalia subsuperficiala sus Mart a de proprietats del radar que coïncidisson amb l’aiga o los sediments rics en aiga”, çò ditz Roberto Orosei, cercaire e autor principal de l’article de Science. “Aquò es sonque un petit airal d’estudi, mas es una perspectiva esmoventa de pensar que i poiriá aver mai de pòchas sosterranhas d’aiga en d’autres luòcs, encara de descobrir”.
De lacs subglacials sus la Tèrra
La trobalha remembra lo lac Vostok, descobèrt a unes quatre quilomètres dejós lo glaç de l’Antartida. Se sap que qualques formas de vida microbiana prospèran dins los environaments subglacials terrèstres. La question es de saber se los poses sosterranhs d’aiga liquida salada e rica en sediments en Mart poirián porgir tanben un abitat adaptat a la vida. Se i aguèt de vida sus Mart o se n’i poiriá aver es encara una question dobèrta, e aquò es justament çò que van contunhar d’explorar las missions marcianas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Benvolgut amic: Cresi que se hi ha gel hi ha aiga. Han dit moltas vegades que hi ha gel a la Luna, a Mart, ,J........Mas non volen far viatges tripulats a aquestes planetas e satel·lit. E se non volen far viatges tripulats per lo nostre sistema solar mai proxim, es perquè saben que los que viatgen per l'espai proxim e lunhan, los desintegraran coma feren amb lo Columbia. Los eeuu solament volen conquistar la terra, e sustot volen dominar a Russia e a la Xina .
#1 Amic de las islas, cal legir amb atencion : « L'Agéncia Espaciala Europèa (ESA), a trobat un lac d’aiga liquida, d’aperaquí vint quilomètres de larg, jos de jaces de glaç e de posca de la zòna polara del sud de Mart. » Aquò vòl plan dire que lo lac d'aiga liquida es jos una bèla espessor glaç solid e donc invisibla amb un telescòpi, per tant poderós que siá. Es coma una veta freatica jos tèrra, invisibla mas plan concreta. Second, demandatz a D. Trump se considèra coma fasent partida de la NASA l'ESA europèa…
Mas què estava molt amagat aqueste lac o es que s'ha gaitat amb un telescopi mai potent? Com vos disia amics, tot son mentides de la Nasa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari