Actualitats
Grècia: Tsipras assumís la responsabilitat dels incendis
D’incendis provocats, de bastiments illegals qu’empachan de fugir e de reduccions budgetàrias que tòcan los pompièrs son estats las causas d’una tragedia màger
Lo primièr ministre grèc, Alexis Tsipras, assumiguèt divendres passat “la responsabilitat politica” dels incendis qu’a patit Grècia. “Amagarai pas qu’ara soi aclapat per una tièra de sentiments. De dolor, de consternacion per las vidas umanas que de manièra inesperada e injusta se son perdudas... mas tanben d’angoissa davant lo dobte d’aver agit corrèctament en tot çò qu’avèm fach”, çò diguèt Tsipras en tot anonciar que s’aviariá de mecanismes per destruire las bastissas construchas illegalament. D’efièch, Tsipras compareissiá après reünir son govèrn per metre en òbra un plan nacional de mesa en òrdre de totas las deficiéncias urbanisticas de mai d’un airal residencial. De fach, los edificis illegals son estats un problèma màger car dificultèron la sortida vèrs la mar de las personas que fugissián las flamas.
Los incendis an causat la mòrt d’almens 87 personas mentre que mai d’un cinquantenat son espitalizats. Ara lo país es en cèrca dels despareguts, e los ciutadans meton en question los elegits e l’administracion.
Delà los partits de l’oposicion, los subrevivents dels incendis an criticat durament lo govèrn de Tsipras. Asseguran qu’aqueste los daissèt abandonats e que foguèron los vesins e los benevòls que compliguèron los prètzfaches de salvament qu’auriá degut far l’administracion.
Ara se cèrca los colpables dels fuòcs. Las enquèstas son centradas sus l’ipotèsi que los fuòcs foguèron provocats. Lo govèrn ditz qu’a de pròvas materialas, d’imatges e de testimònis que demostrarián que los fuòcs foguèron premeditats.
Mas son sustot las reduccions budgetàrias impausadas per Brussèlas qu’an fach demesir las possibilitats d’afrontar los incendis. “De camions de pompièrs èran fòra de servici per que son pas pagadas las facturas de reparacion. Avèm la pròva que los pompièrs paguèron lors esquipaments e unifòrmes de lor pòcha”, ço rapòrta MacroPolis.
Los incendis an causat la mòrt d’almens 87 personas mentre que mai d’un cinquantenat son espitalizats. Ara lo país es en cèrca dels despareguts, e los ciutadans meton en question los elegits e l’administracion.
Delà los partits de l’oposicion, los subrevivents dels incendis an criticat durament lo govèrn de Tsipras. Asseguran qu’aqueste los daissèt abandonats e que foguèron los vesins e los benevòls que compliguèron los prètzfaches de salvament qu’auriá degut far l’administracion.
Ara se cèrca los colpables dels fuòcs. Las enquèstas son centradas sus l’ipotèsi que los fuòcs foguèron provocats. Lo govèrn ditz qu’a de pròvas materialas, d’imatges e de testimònis que demostrarián que los fuòcs foguèron premeditats.
Mas son sustot las reduccions budgetàrias impausadas per Brussèlas qu’an fach demesir las possibilitats d’afrontar los incendis. “De camions de pompièrs èran fòra de servici per que son pas pagadas las facturas de reparacion. Avèm la pròva que los pompièrs paguèron lors esquipaments e unifòrmes de lor pòcha”, ço rapòrta MacroPolis.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las imatges espacialas dels satèl·lits mostren coma se hagessen fait esclatar bombas incendiarias als centres de las casas monofamiliars. Coma se ho haguessen fait amb molta mala leit coma atemptats.
Responsable mas pas copable, de segur.
Son sustot las reduccions budgetàrias impausadas per Brussèlas qu’an fach demesir las possibilitats d’afrontar los incendis. Es mai que mai per aiçò que Tsipras, a assumit divendres passat “la responsabilitat politica” dels incendis que n'a patit Grècia. Tsipras auriá degut demissionar tre lo començament, coma Varofakis, son ministre de l'economia. Los ciutadans europèus de Grècia, mai visiblament que nosautres, enduran la dictatura ordoliberala europèa que ne son estats aicí plan claramaent las victimas. Es aquò, la responsabilitat de Tsipras : aver acceptat d'assumir una politicia ultraliberala, mentre qu'es estat elegit per menar una politica absoludament pas liberala, mas equitabla, ben al contrari. Tròp de foncionaris, tròp de despensas publicas, tròp de pression fiscala : coneissèm la ressega que l'entendèm subre cada media dominant. E quora non i a mai foncionaris, quora fasèm d'economia liberala, quora los rics pòdon enfin s'enriquir subre l'esquian dels paures, ne vesèm la resulta : ne ne crebam del temps que s'afartan ! Fins ara, es aquò, Euròpa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari