Actualitats
Crisi de l’occitanisme: ont ne sèm e cossí repartir?
L'ANÒC ven de publicar un dorsièr exaustiu qu'analisa la crisi actuala de l'occitanisme e prepausa qualques solucions
S’es l'occitanisme en crisi? D'un caire, remarcam que l'edicion 2018 de la Dintrada se consagrarà justament a aqueste subjècte, del temps qu'assistissèm a la desaparicion de publicacions istoricas coma La Setmana, Papagai e Plumalhon. D’autre caire, l'Assemblada Nacionala Occitana (ANÒC) ven de publicar un dorsièr entitolat "Crisi de l’occitanisme: ont ne sèm e cossí repartir?". S'agís d'un document de 42 paginas realizat per Ciril Joanin, Fèbus Abelhèr e Domergue Sumien.
Après revisar l'istòria de l'occitanisme, lo document analisa la crisi de l'occitanisme en revisant las darrièras avançadas importantas fins en 2012 e la destabilizacion lingüistica, sociala e politica; n'estúdia los probèmas e prepausa qualques solucions.
Las divisions
Per quant als problèmas, lo document de l'ANÒC afirma que las divisions constituisson lo problèma mai grèu de l’occitanisme e se retròban pertot jos divèrsas formas: “culturalistas” contra “politics”, "legalistas” contra “independentistas”, "nacionalistas” contra “antinacionalistas” e los “pròregion-Occitània” contra los “antiregion-Occitània”.
En mai d'aquò, denóncia las derivas tecnocraticas d’una certana frenja de l’occitanisme que la mençona, e parla de la mobilizacion per salvar lo CFPO-MP que, malgrat la longa cauma de sos sièis emplegats, aurà pas empedit la liquidacion de l’estructura, programada per la direccion del ret de las Calandretas: "las consequéncias seràn nefastas per l’ensenhament de l’occitan".
Un autre exemple mençonat es la cauma de la fam que la faguèt Dàvid Grosclaude per obténer la creacion de l’Ofici Public de la Lenga Occitana (ÒPLO), "que pasmens, ara, decep fòrça mond per son accion contestabla".
L'avenir
En presentar sas proposicions de solucion, l'ANÒC cita qualques ponches positius que permeton d’esperar un avenir melhor e una nòva renaissença occitana: la diversificacion dels mèdias d’informacion generalista en occitan, la perennizacion d’un espaci de comunicacion en occitan sus Internet, la volontat de consolidar l’oficialitat de la lenga occitana en Aran e dins lo Principat de Catalonha e la creativitat musicala que contunha en occitan e qu’abraça d’estils de mai en mai divèrses.
Cambiament de mentalitat
Lo document suggerís "un cambiament de mentalitat " per sortir de la crisi en obrant dins una dinamica nòva. Dins aquel sens, segon l'ANÒC cal:
Proposicion de l'ANÒC
Dins son document, l'ANÒC anóncia qu'an "causit de cambiar [lor] estrategia", e per tant qu'an "cessat provisòriament de voler foncionar coma un rassemblament de massa" en se reorientant "devèrs una foncion de centre de ressorsas al servici d’informacions e de reflexions sus la question occitana".
Ara, per sosténer "totes los projèctes e organizacions que sián en favor de la lenga e la cultura occitanas", anóncian que son a mand de crear la dicha Plataforma ÒC.com, una plataforma informativa e de sosten per totes los projèctes occitanistas dins l'encastre d'un centre de ressorsas de l’ANÒC; permetrà de donar d’informacions e d’idèas, tant sus la question occitana coma sus totas las questions de societat e preocupacions quotidianas en general, dins una optica occitanista.
Descargatz lo dorsièr: "Crisi de l’occitanisme: ont ne sèm e cossí repartir?"
Après revisar l'istòria de l'occitanisme, lo document analisa la crisi de l'occitanisme en revisant las darrièras avançadas importantas fins en 2012 e la destabilizacion lingüistica, sociala e politica; n'estúdia los probèmas e prepausa qualques solucions.
Las divisions
Per quant als problèmas, lo document de l'ANÒC afirma que las divisions constituisson lo problèma mai grèu de l’occitanisme e se retròban pertot jos divèrsas formas: “culturalistas” contra “politics”, "legalistas” contra “independentistas”, "nacionalistas” contra “antinacionalistas” e los “pròregion-Occitània” contra los “antiregion-Occitània”.
En mai d'aquò, denóncia las derivas tecnocraticas d’una certana frenja de l’occitanisme que la mençona, e parla de la mobilizacion per salvar lo CFPO-MP que, malgrat la longa cauma de sos sièis emplegats, aurà pas empedit la liquidacion de l’estructura, programada per la direccion del ret de las Calandretas: "las consequéncias seràn nefastas per l’ensenhament de l’occitan".
Un autre exemple mençonat es la cauma de la fam que la faguèt Dàvid Grosclaude per obténer la creacion de l’Ofici Public de la Lenga Occitana (ÒPLO), "que pasmens, ara, decep fòrça mond per son accion contestabla".
L'avenir
En presentar sas proposicions de solucion, l'ANÒC cita qualques ponches positius que permeton d’esperar un avenir melhor e una nòva renaissença occitana: la diversificacion dels mèdias d’informacion generalista en occitan, la perennizacion d’un espaci de comunicacion en occitan sus Internet, la volontat de consolidar l’oficialitat de la lenga occitana en Aran e dins lo Principat de Catalonha e la creativitat musicala que contunha en occitan e qu’abraça d’estils de mai en mai divèrses.
Cambiament de mentalitat
Lo document suggerís "un cambiament de mentalitat " per sortir de la crisi en obrant dins una dinamica nòva. Dins aquel sens, segon l'ANÒC cal:
— que l'occitanisme siá connectat amb las preocupacions socialas de la societat occitana,
— que s’assumisca la nocion sociolingüistica de conflicte qu’opausa la lenga menaçada (l’occitan) e la lenga dominanta (francés, italian o espanhòl),
— l’usatge de la lenga dins de familhas,
— la transmission del saber occitanista a las generacions novèlas de militants,
— una lenga occitana accessibla gràcias a una varietat estandard clara,
— la solidaritat d’organizacion entre los occitanistas de totas las regions,
— la politizacion de la question occitana en tèrmes de nacion, de liberacion nacionala,
— l’exigéncia de qualitat dins la produccion culturala en occitan,
— l’exigéncia de rigor dins los estudis scientifics sus la lenga e la cultura occitanes.
— que s’assumisca la nocion sociolingüistica de conflicte qu’opausa la lenga menaçada (l’occitan) e la lenga dominanta (francés, italian o espanhòl),
— l’usatge de la lenga dins de familhas,
— la transmission del saber occitanista a las generacions novèlas de militants,
— una lenga occitana accessibla gràcias a una varietat estandard clara,
— la solidaritat d’organizacion entre los occitanistas de totas las regions,
— la politizacion de la question occitana en tèrmes de nacion, de liberacion nacionala,
— l’exigéncia de qualitat dins la produccion culturala en occitan,
— l’exigéncia de rigor dins los estudis scientifics sus la lenga e la cultura occitanes.
Proposicion de l'ANÒC
Dins son document, l'ANÒC anóncia qu'an "causit de cambiar [lor] estrategia", e per tant qu'an "cessat provisòriament de voler foncionar coma un rassemblament de massa" en se reorientant "devèrs una foncion de centre de ressorsas al servici d’informacions e de reflexions sus la question occitana".
Ara, per sosténer "totes los projèctes e organizacions que sián en favor de la lenga e la cultura occitanas", anóncian que son a mand de crear la dicha Plataforma ÒC.com, una plataforma informativa e de sosten per totes los projèctes occitanistas dins l'encastre d'un centre de ressorsas de l’ANÒC; permetrà de donar d’informacions e d’idèas, tant sus la question occitana coma sus totas las questions de societat e preocupacions quotidianas en general, dins una optica occitanista.
Descargatz lo dorsièr: "Crisi de l’occitanisme: ont ne sèm e cossí repartir?"
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Hèra bona sintèsi! L'occitanisme que's va tornar bastir xic a xic. L'ANÒC qu'a prepausat ua basa, lo alan sibe dab Rompaduras per un occitanism politic que pòrta tanben ua analisi hèra fina et fin finau las conclusions que son tot parièr. Quan legi occitanistas que disèn que l'occitània qu'ei ua utòpia que'm disi qu'i a ua bèra dicotòmia enter aquest discors e la recèrca d'identitat de la nosta joenessa. E push òc, occitània qu'ei ua utòpia de bastir e qu'ei deja mei interessanta que la realitat francesa a tots los nivèths. Si n'i avé pas avut aquesta utòpia n'aurei pas jamei tornar aprener la lenga e ne la parleri pas cada dia dab lo hilh.
Que pensi sincerament qu'avem besonh de tornar bastir un movement occitanista centralisat (per bastir ua vertadièra politica nacionau) e deconcentrat, que part de la basa. Que pòt semblar antinomica mès que con·hónem centralisation e concentration. Organizar un navèth movement en planificant per exemple las manifestacions (un còp en provença, en limosin) las accions apitadas en favor de l'òc com per exemple lo "collectif occitan" en région occitanie, la passem en bearn e tant d'autes. E ush com qu'ei dit à la fin que devem tornar a la politica, pensar lo noste territòri e lo noste pòple.
Los utòpistas de uèi que son los realistas de doman.
Mercés a tots lo utòpistas que m'an sortit de l'ignorencia!
#82#83 Sembla evident que "respèct dau fraire" e "fòrça de prepausicion" fan pas partida dau vocabulari de la Pudecina Comentarèla que podèm recontrar de còps sus aqueste blòg...
#82 Lo professor Lacan èra segurament mai respectuós emb dals anonimes :
- Saique deviá pas tusejar e jutjar lo monde sans los conéisser ;
- Saique deviá pas portar un diagnostic sus la basa d'un comentari sans aver consultat la persona ;
- Deviá èstre aitant fòrça de contradiccion coma fòrça de PREPAUSICION.
Professor Lacan, vòstra rencarnacion es aquela d'un esperit mau-san dau discors voide. Se fariá temps que prenguessiatz emb de vòstre camaradeta "Mespretz" una retirada bien meritada "en cò dals grècs"... se me vesètz venir.
#82 Aprèp Lucha Occitana , Nevrosi Occitana ? Seria de segur mai proche de la realitat aquel !
#78#79#80 . "Je sais bien que, mais quand même ". Polit exemple de nevrosi. La teuna se sona nevrosi occitana. Calma...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari