Lo ministre de l’Interior italian, Matteo Salvini, a refusat tornarmai lo desbarcament del vaissèl de salvament Open Arms en quin pòrt italian que siá. Dijòus passat, lo batèl teniá 87 naufragièrs a bòrd qu’avián pas pogut arribar a las còstas italianas. Salvini publiquèt alara un messatge sus Twitter adreiçat a la còla de l’Open Arms: “Eles diguèron que los pòrts italians son pas segurs pr’amor que i a Salvini. Soi segur que menaràn aqueles immigrants pertot, levat d’en Itàlia. Bon viatge!”. Lo messatge mostrava un imatge de la situacion dels principals naviris de salvament presents en Mediterranèa.
 

La nave spagnola Open Arms ha raccolto a bordo 90 immigrati nelle acque libiche. Visto che venti giorni fa aveva dichiarato che “i porti italiani non sono sicuri” perché c’è Salvini, sono certo che porteranno questi immigrati ovunque, tranne che in Italia. Buon viaggio! pic.twitter.com/IEPBDgSpZ0

— Matteo Salvini (@matteosalvinimi) 2 d’agost de 2018

 
L’Open Arms veniá de salvar 87 personas qu’èran a se negar dins la Mediterranèa, davant las còstas de Libia, après que lor barca aguèt passat 50 oras a la deriva, coma o explicava l’organizacion umanitària sus Twitter: “Doas nuèches a la deriva. Mai de 50 oras empilats dins una barca dins de benzina escampada e d’autres fluids. Auriam pogut demorar a l’ostal mas aquestas 87 vidas serián negadas sens cap de sens. Degun morís pas segon l’UE, se parla sonque de desaparicions, e degun n’assumís pas las consequéncias”.
 

Dos noches a la deriva. Más de 50 horas hacinados en un bote entre gasolina derramada y otros fluidos. Podríamos habernos quedado en casa pero estás 87 vidas se habrían hundido sin sentido. Nadie muere para la UE, solo desaparecen y nadie paga por ello.     Foto @ValerioNicolosipic.twitter.com/5Jt6QTQdU5

— Oscar Camps (@campsoscar) 2 d’agost de 2018

 
Es sus aquela rota de la Mediterranèa centrala que i a lo passatge pus nombrós e mortifèr de migrants e refugiats, après lo pache entre l’Union Europèa e Turquia en 2016. En seguida d’aquel pache, Turquia recep d’argent per reténer los refugiats, e la rota dels Balcans es de mens en mens utilizada.