Bangladèsh es a viure una revòlta d’estudiants sens precedents. De milièrs d’estudiants protèstan dempuèi mai d’una setmana contra la manca de seguretat estradièra. La mobilizacion se produtz après qu’un autobús reversèt a granda velocitat dos adolescents. Alavetz, los estudiants manifestèron per carrièras contra aquela sòrta d’accidents, que provòcan la mòrt d’aperaquí 4000 personas cada an sus las estradas de Bangladèsh.
 
Lo menaire de l’autobús foguèt arrestat sul pic del temps que la primièra ministra del país, Sheikh Hasina, demandava als manifestants qu’arrestèsson la protèsta e rintrèsson en cò lor, car lo govèrn del país pren de mesuras per far respectar las règlas de circulacion.
 
 
Las revendicacions
 
Lo govèrn de Bangladèsh prepausa de far una lei que punisca de la pena capitala los menaires responsables d’accidents amb de victimas mortalas. A l’ora d’ara, la lei del país ne prevei un maxim de tres ans de preson.
 
Mas es pas aquela mena de mesuras que los estudiants demandan. “Nòstra revendicacion es que [los menaires d’autobús] trabalhen un maxim de dètz oras per jorn e tanben que s’elimine lo sistèma de pagament amb de comissions”, çò declara Sheikh Shafi, un estudiant que son fraire moriguèt en 2015 tanben dins un accident de l’estrada.
 
De soslinhar que los conductors an pas de salari mesadièr fixe mas que son pagats en foncion del nombre de passatgièrs, çò que vòl dire que fan de jornadas de trabalh longassas.
 
 
De violéncias
 
Las mobilizacions tròban d’afrontaments. Los estudiants denóncian que la polícia e los partisans del govèrn los atacan. “Quand èrem arribats a l’endrech, la polícia comencèt de nos atacar”, çò ditz a qualques mèdias Rahatul Ashekin, un dels estudiants que se mobiliza. “Puèi, qualques personas armadas de bastons e amb un casco sul cap son arribats de part del burèu de la Liga Awami en tot jónher l’ataca” de la polícia, çò precisa Ashekin, que conclutz que i a fòrça estudiants nafrats. La Liga Awami es lo principal partit de centresquèrra de Bangladèsh e ten lo govèrn del país dempuèi 24 ans.
 
De son costat, la polícia afirma que se defendiá de las atacas dels manifestants. Segon lo comissari adjonch de la polícia de Dhaka, Abdullah Hel Kafi, los estudiants “lançavan de pèiras e portavan de bastons”. Dins aquel sens, Hel Kafi justifica: “Lor demandèrem qu’abandonèsson l’endrech mas o faguèron pas, per tant nos calguèt utilizar aperaquí entre dètz a quinze granadas de fum”.
 
Segon un pòrtavotz de l’espital Medical College de Dhaka, unes dotze estudiants an recebut de suènhs medicals dins lo centre, mas cap d’eles i es pas estat admés.
 
 
Talhs d’Internet
 
Los manifestats tanben acusan lo govèrn de talhar Internet al país per metre fin a las protèstas. De fach, la pòrtavotz de la comission de las telecomunicacions de Bangladèsh, Jakir Hossain Khan, a explicat qu’Internet “s’es alentit a causa d’una pana tecnica”, e a negat que lo govèrn bangladeshí aja blocat lo ret.

 
 
 

Something very serious is happening in Dhaka.

Thousands of Students protested on streets for road safety and better roads. Govt got pissed and sent their goons to beat up & kill protestors

High chance that same thing could happen in India. We must support #Bangladesh students! pic.twitter.com/Qu0P6Ngo65

— Dhruv Rathee (@dhruv_rathee) 6 d’agost de 2018

 

The Bangladesh goverment is killing students because they dared to demand better road laws...we can help them by sharing this pictures. The goverment is deleting and censoring news related to the protest. #Bangladesh#bangladeshstudentprotestpic.twitter.com/WJ1I7Zwuyb

— The Rob's (@alrob91) 5 d’agost de 2018