Actualitats
Nicolás Maduro acusa lo president de Colómbia de l’atemptat que l’a patit
Lo president veneçolan foguèt atacat per de drònes mentre que fasiá un discors dins una ceremònia militara a Caracas
Lo govèrn de Veneçuèla acusa lo president de Colómbia, lo drechista Juan Manuel Santos, de l’atemptat que lo patiguèt aquesta dimenjada lo president veneçolan, Nicolás Maduro. Maduro foguèt atacat per de drònes que portavan d’explosius mentre que fasiá un discors durant una ceremònia militara. El sortiguèt indemne del temps que sèt soldats foguèron nafrats.
“S’agís d’un atemptat per me tuar. An ensajat de m’assassinar uèi. E ai pas cap de dobte que tot designa la drecha e l’extrèma drecha veneçolanas en aliança amb l’extrèma drecha colombiana e que lo nom de Juan Manuel Santos es darrièr aquel atemptat”, çò diguèt Maduro.
De son costat, lo govèrn de Colómbia rebutèt sul pic aquelas acusacions en las qualificant d’“absurdas” e “sens cap de basa”.
Segon lo ministre de l’Interior veneçolan, Néstor Reverol, sièis personas presumidament restacadas amb l’atemptat son estades arrestadas; e mai assegura que “los autors materials e intellectuals de l’atemptat son identificats”. An detengut sièis personas, an confiscat divèrses veïculs e an fach de perquisicions dins plusors ostalariás de Caracas ont, segon lo ministre, “de pròvas materialas importantas son estadas trobadas”.
La retransmission televisada de la ceremònia mostrèt cossí pendent lo discors de Maduro, sobde, los soldats rompián los rengs e mentre que s’evacuava las autoritats presentas. Lo discors s’emetiá per television e los imatges mòstran que Maduro interrompèt son parladís per agachar en l’aire. Los imatges que mostrèt pas la television, fan veire cossí se protegiguèt la seguretat de Maduro.
“S’agís d’un atemptat per me tuar. An ensajat de m’assassinar uèi. E ai pas cap de dobte que tot designa la drecha e l’extrèma drecha veneçolanas en aliança amb l’extrèma drecha colombiana e que lo nom de Juan Manuel Santos es darrièr aquel atemptat”, çò diguèt Maduro.
De son costat, lo govèrn de Colómbia rebutèt sul pic aquelas acusacions en las qualificant d’“absurdas” e “sens cap de basa”.
Segon lo ministre de l’Interior veneçolan, Néstor Reverol, sièis personas presumidament restacadas amb l’atemptat son estades arrestadas; e mai assegura que “los autors materials e intellectuals de l’atemptat son identificats”. An detengut sièis personas, an confiscat divèrses veïculs e an fach de perquisicions dins plusors ostalariás de Caracas ont, segon lo ministre, “de pròvas materialas importantas son estadas trobadas”.
La retransmission televisada de la ceremònia mostrèt cossí pendent lo discors de Maduro, sobde, los soldats rompián los rengs e mentre que s’evacuava las autoritats presentas. Lo discors s’emetiá per television e los imatges mòstran que Maduro interrompèt son parladís per agachar en l’aire. Los imatges que mostrèt pas la television, fan veire cossí se protegiguèt la seguretat de Maduro.
Lo que VTV no mostró tras la explosión durante discurso de Maduro. pic.twitter.com/DuqHWhGxBf
— Yusnaby Pérez (@Yusnaby) 5 d’agost de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Coneisses pas Veneçuela , t'agradariá que Catalonha ou Malhorca agessi un president aital ??? un dictador qu'a menat son pòble a patir la fam e una inflacion fòrça nauta..!!
Lo mal ven de l'imperi, la cia e tota sa cola han pauc trabalh, ara tenen pauca feina, e han pensat en tuar al presiden electa que ho ha estat democraticament, mas que los importa a eles. Son atal.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari