Actualitats
Nòva Zelanda: la primièra ministra defend lo maòri
Jacinda Ardern defend la lenga del país e a afirmat que sa filha creisserà en mestrejant las doas lengas: lo maòri e l’anglés
La primièra ministra de la Nòva Zelanda, Jacinda Ardern, defend la lenga del país, lo maòri, e a dich a la television maòri del país que sa filha creisserà en mestrejant las doas lengas: lo maòri e l’anglés, çò publiquèt ièr dimars The Guardian.
Segon Adern, lo maòri es una lenga oficiala que “bastís tanben nòstra compreneson per la cultura” perque, segon ela, “la lenga es lo còr de la cultura”.
Segon las estatisticas, l’usatge social del maòri demesiguèt del 3,7% entre 1996 e 2013, mas l’anecdòta de la primièra ministra suggerís que l’interès per aquela lenga es a aumentar.
A l’ora d’ara, la Nòva Zelanda ten tres lengas oficialas: l’anglés, lo maòri e la lenga dels signes neozelandesa.
La deputada occitana del Parlament de Catalonha, Anna Geli, a reagit sus Twitter en seguida d’un messatge de Carles Puigdemont. Lo president de la Generalitat en exili diguèt que l'actitud d'Adern èra "admirabla". Geli i ajustèt qu'aquò auriá d'èsser parièr amb l'aranés.
Segon Adern, lo maòri es una lenga oficiala que “bastís tanben nòstra compreneson per la cultura” perque, segon ela, “la lenga es lo còr de la cultura”.
Segon las estatisticas, l’usatge social del maòri demesiguèt del 3,7% entre 1996 e 2013, mas l’anecdòta de la primièra ministra suggerís que l’interès per aquela lenga es a aumentar.
A l’ora d’ara, la Nòva Zelanda ten tres lengas oficialas: l’anglés, lo maòri e la lenga dels signes neozelandesa.
La deputada occitana del Parlament de Catalonha, Anna Geli, a reagit sus Twitter en seguida d’un messatge de Carles Puigdemont. Lo president de la Generalitat en exili diguèt que l'actitud d'Adern èra "admirabla". Geli i ajustèt qu'aquò auriá d'èsser parièr amb l'aranés.
Atau aurie d’èster tanben en nòste país. Er #aranés, desprestigiat per fòrça gent, ‘porque no sirve de nada’ ei un patrimoni lingüistic, istoric e culturau que non cau pèrder. Çò de madeish tamb eth #catalan. https://t.co/FGKLZAXSzS
— Anna Geli (@geli_anna) 7 d’agost de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari