Actualitats
La Val d’Aran a signat un acòrdi de cooperacion amb l’Universitat de Navarra
La convencion a per tòca d’encoratjar l’estudi, la recèrca e la divulgacion del patrimòni lingüistic, istoric, artistic, païsatgistic, identitari e cultural del país occitan
L’Universitat de Navarra ven de signar un acòrdi de collaboracion amb lo Conselh General d’Aran (CGA) e amb l’Institut d’Estudis Aranesi-Acadèmia Aranesa de la Lenga Occitana (AALO). La convencion a per tòca d’encoratjar l’estudi, la recèrca e la divulgacion del patrimòni lingüistic, istoric, artistic, païsatgistic, identitari e cultural del país occitan de cap de Garona.
L’acòrdi lo signèron dissabte passat, 4 d’agost, a Vielha lo sindic d’Aran, Carlos Barrera, e l’istoriana Julia Pavón Benito, directritz del departament de filosofia e de letras de l’Universitat de Navarra. Tanben participèron a la ceremònia de la signatura Elisa Ros, tecniciana de patrimòni del CGA, e Thaïs Rodés Sarrablo de l’universitat navarresa qu’es a l’origina d’aquel acòrdi de cooperacion.
L’acòrdi prevei de definir de projèctes concrets de recèrca dins de camps coma de collòquis e conferéncias, d’exposicions, de publicacions e de presentacion de libres, de congrèsses e de jornadas. Aquela convencion ajudarà a la candidatura de la Val d’Aran a l’inscripcion al Patrimòni de l’Umanitat de l’UNÈSCO dins una formula mixta de patrimòni natural e cultural.
Puèi, la delegacion de l’Universitat de Navarra visitèt la sedença de l’IEA-AALO.
L’acòrdi lo signèron dissabte passat, 4 d’agost, a Vielha lo sindic d’Aran, Carlos Barrera, e l’istoriana Julia Pavón Benito, directritz del departament de filosofia e de letras de l’Universitat de Navarra. Tanben participèron a la ceremònia de la signatura Elisa Ros, tecniciana de patrimòni del CGA, e Thaïs Rodés Sarrablo de l’universitat navarresa qu’es a l’origina d’aquel acòrdi de cooperacion.
L’acòrdi prevei de definir de projèctes concrets de recèrca dins de camps coma de collòquis e conferéncias, d’exposicions, de publicacions e de presentacion de libres, de congrèsses e de jornadas. Aquela convencion ajudarà a la candidatura de la Val d’Aran a l’inscripcion al Patrimòni de l’Umanitat de l’UNÈSCO dins una formula mixta de patrimòni natural e cultural.
Puèi, la delegacion de l’Universitat de Navarra visitèt la sedença de l’IEA-AALO.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Seria tras qu'interessent de torna far la demanda encara e encara, en s'i botant a maites : chambra d'oc, IEO, AIEO, regions Occitanie, PACA, Nouvelle Aquitaine, Rhône-Alpes-Auvergne, Calandretas, OPLO..eca... Aquela reconeissènça per una instancia internacionala (doncas non-francèsa e non-europenca) de la valor de l'occitan e de son urgencia a lo sauvar e a lo promoùre faria sautar un verrolh psicologic. Tan en Occitània que dins l'arrogancia monolenga dau poder centralista parisenc.
#1 L'associacion que recampa de compatriòtas dei Valadas, la Chambra d'Òc, i pensèt fai 10 ans. Mai ges de respònsa de l'UNÈSCO: http://www.chambradoc.it/apelchambra.page
De legir aquel article me pausi tornamai la question : es que seria pas possible de far inscriure la lenga occitana al Patrimoni Mondial de l'Umanitat ? L'an plan fach per la cosina francesa, lo camembert, lo Mont Saint Michel, e patin-cofin. Alara perque pas per l'occitan ? En mai d'una vesibilitat mondiala seria tanben un biais per forçar la man a la parisencalha que contunha de far l'ignorantassa tre qu'om li parla de lengas minorizadas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari