Actualitats
Mauras: denóncian l'acaparament de las tèrras per Bolloré pertot dins lo Mond
Nombroses domenis son passats entre las mans d'investisseires fortunats coma lo grop Bolloré que crompèt en 2001 mai de cent ectars de vinhas en Provença
Lo 5 de junh passat, una setantena de païsans occitans de la Confederacion Païsana ocupèron las vinhas de Bolloré a la Crotz Valmer (Mauras), çò publicava l'8 d'agost passat Alternative Libertaire. Amb aquela accion volián denonciar l'acaparament de las tèrras. Segon lo pòrtavotz del sindicat païsan, Laurent Pinatel, es un problèma global que capita mai que mai en Provença ont lo prètz de l'ectara de vinha a mai que triplat, passant de 20 000 a 70 000 èuros. Es atal que fòrça tenements son passats entre las mans d'investidors amonedats coma lo grop Bolloré que crompèt en 2001 mai de cent ectaras de vinhas.
"Denonciam la financiarizacion de l'agricultura; de personas exterioras al Mond agricòla venon far d'argent sus la tèrra dels païsans en los exclusent", çò planh Pinatel. E es atal que la Confederacion Païsana remembra sas prioritats: "La tèrra deu anar en prioritat als que la trabalhan e n'an de besonh per viure".
En mai d'aquò, lo sindicat agricòla denóncia que la Socfin, detenguda al 28% per Bolloré, anoncièt mai de 400 000 ectaras de concessions. La Socapalm, filiala de la societat Socfin, loguèt a l'estat cameronés 58 063 ectaras de tèrras agricòlas a un prètz de 7,69 èuros per ectara e per an, del temps que lo loguièr annal dels païsans cameroneses oscilla entre 61 e 154 èuros per ectara.
De condicions de vida insuportablas
Un documentari del jornalista Tristan Waleckx descriviá las condicions de vida dels emplegats dins las plantacions de la Socapalm: èran lotjats dins de condicions insalubras e trabalhavan sens vestits ni mai cap de proteccion.
Los païsans cameroneses vesins de las plantacions de Bolloré son privats de tèrras e veson lors condicions de vida a se degradar. En 2013 se creèt una aliança internacionala dels ribairencs de las plantacions de Bolloré-Socfin, e en abril de 2015 comencèt l'ocupacion d'una plantacion de la Socapalm, filiala de Socfin, per protestar contra l'acaparament de lors tèrras per l'holding de Bolloré.
Lo 5 de junh de 2018, la justícia francesa relaxèt lo jornalista, que Bolloré l'aviá atacat en difamacion. Mentretant, una tresena procedura judiciària es en cors en Cameron.
Contra l'òli de palma
La Confederacion Païsana denóncia dempuèi 2015 la mistificacion dels agrocarburants qu'empaurís los païsans, afama las populacions e destrutz la planeta. Dins aquel sens, lo sindicat agricòla FNSEA protestèt en junh passat en blocant de rafinariás per protestar contra l'importacion d'òli de palma.
"Denonciam la financiarizacion de l'agricultura; de personas exterioras al Mond agricòla venon far d'argent sus la tèrra dels païsans en los exclusent", çò planh Pinatel. E es atal que la Confederacion Païsana remembra sas prioritats: "La tèrra deu anar en prioritat als que la trabalhan e n'an de besonh per viure".
En mai d'aquò, lo sindicat agricòla denóncia que la Socfin, detenguda al 28% per Bolloré, anoncièt mai de 400 000 ectaras de concessions. La Socapalm, filiala de la societat Socfin, loguèt a l'estat cameronés 58 063 ectaras de tèrras agricòlas a un prètz de 7,69 èuros per ectara e per an, del temps que lo loguièr annal dels païsans cameroneses oscilla entre 61 e 154 èuros per ectara.
La Confédération paysanne occupe les vignes de #bolloré stop à l'accaparement des terres ! pic.twitter.com/y1XfsWVjdl
— Conf' Paysanne (@ConfPaysanne) 5 de juny de 2018
De condicions de vida insuportablas
Un documentari del jornalista Tristan Waleckx descriviá las condicions de vida dels emplegats dins las plantacions de la Socapalm: èran lotjats dins de condicions insalubras e trabalhavan sens vestits ni mai cap de proteccion.
Los païsans cameroneses vesins de las plantacions de Bolloré son privats de tèrras e veson lors condicions de vida a se degradar. En 2013 se creèt una aliança internacionala dels ribairencs de las plantacions de Bolloré-Socfin, e en abril de 2015 comencèt l'ocupacion d'una plantacion de la Socapalm, filiala de Socfin, per protestar contra l'acaparament de lors tèrras per l'holding de Bolloré.
Lo 5 de junh de 2018, la justícia francesa relaxèt lo jornalista, que Bolloré l'aviá atacat en difamacion. Mentretant, una tresena procedura judiciària es en cors en Cameron.
Contra l'òli de palma
La Confederacion Païsana denóncia dempuèi 2015 la mistificacion dels agrocarburants qu'empaurís los païsans, afama las populacions e destrutz la planeta. Dins aquel sens, lo sindicat agricòla FNSEA protestèt en junh passat en blocant de rafinariás per protestar contra l'importacion d'òli de palma.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per que s'achapte tot aquela espandida lo tipe, i a ben agut quauqu'us per li vendre las tèrras ! Sufís pas que d'una ponhadeta de venduts per que siágue entrincada la dinamica. Aqueles qu'an vendut lurs tèrras se meríton d'èstre rostats pièi embandits dau País !!
Terras per totes!! Estop a la concentracion de las grandors!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari