Actualitats
Condemna istorica contra Monsanto pel glifosat
Un tribunal de Califòrnia considèra qu'es un cancerigèn e que la multinacionala deu pagar un jardinièr a causa de sa malautiá terminala
Un tribunal de Califòrnia a condemnat Monsanto a pagar 289 milions de dolars a Dewayne Johnson, un jardinièr que denoncièt la societat agroquimica en acusant l'erbicida glifosfat de son cancèr terminal.
L'òma aviá trabalhat tota sa vida amb d'erbicidas Monsanto e ara los mètges diagonostican que viurà entre dos e tres ans. Los jutges an considerat que los produches Monsanto son estats la causa de sa malautiá.
Lo glifosat es un dels erbicidas pus emplegats del Mond e l'Organizacion Mondiala de la Santat (OMS) considèra qu'es un cancerigèn potencial. Ça que la, lo vicepresident de Monsanto, Scott Partridge, a explicat que lo glifosat es "un dels erbicidas pus estudiats del Mond" e que i a "de centenats d'estudis e de pròvas que demòstran qu'es segur per la santat".
L'òma aviá trabalhat tota sa vida amb d'erbicidas Monsanto e ara los mètges diagonostican que viurà entre dos e tres ans. Los jutges an considerat que los produches Monsanto son estats la causa de sa malautiá.
Lo glifosat es un dels erbicidas pus emplegats del Mond e l'Organizacion Mondiala de la Santat (OMS) considèra qu'es un cancerigèn potencial. Ça que la, lo vicepresident de Monsanto, Scott Partridge, a explicat que lo glifosat es "un dels erbicidas pus estudiats del Mond" e que i a "de centenats d'estudis e de pròvas que demòstran qu'es segur per la santat".
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En tot cap com ditz l’Eric que pòdem grasir dab aqueste verdicte. 250 milions d’euros que pòt semblar un chicotet au par deus 55 miliards qui Bayer a ponut tà crompar Monsanto, mes justament: despuish qui s’i a publicat l’esmenda, que s’an perdut 10 miliards en borsa! L’Ahar que comença de’us voler costar tintins.
Atau qu’ei donc possible d’i har arrecotir las multinacionaus, e aquestas que van dever calcular avant d’anar emposoar lo monde.
#5 Sèm a calòs. Un barbarisme qu’a faches sos cinc ans, quand seriá un apax, pòt far partida de la lenga condrecha e se substituïr al tèrme enregistrat dins los diccionaris. Parlar occitan es devengut un jòc.
E ben jo, m'esgaudissi de la condem... condam... condaem... de la fin de l'impunitat per Monsanto !
#2 Un mòt coma « condemna » que se ditz, benlèu, endacòm, e que a una longa atestacion literària de, benlèu, mai de cinc ans dins Jornalet se merita plan de dintrar dins lo diccionari, quite a ne fòrabandir, per i far plaça, totes aquels abominables francismes que de milions d’occitanofònes an prononciats, cada jorn, pendent de sècles.
Aquelles deverbals dirèctes son frequents en francitan e/ò argòt popular de Tolosa, a tal punht que sabèm pas se se ditz ò non en francés. Una explica, protèsta, regula, repèta,compèta, conjuga...
En lengua mondina, aquò's liure, que se demòra pas una "decise" academica :)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari