Fa qualques decennis que la NASA i voliá arribar, mas fins ara aviá pas desvolopat la tecnologia qu’o rendèsse possible. Ara, enfin, la NASA a mandat devèrs lo Solelh la sonda Parker, que revolucionarà las coneissenças qu’avèm de nòstra estela.
 
Parker s’enaurèt ièr dimenge a 9h31 ora occitana (3h31 ora locala) del centre espacial del Cap Canaveral, als Estats Units.  La tòca de la mission es que la nau ajonga al començament de novembre l’atmosfèra exteriora del Solelh, la “corona solara”, e i amasse de donadas clau de l’astre.
 
Lo nom de la sonda rend omenatge a l’astrofisician Eugene Newman Parker, que dins los ans 1050 redefiniguèt las coneissenças de l’epòca sul Solelh e introduguèt de concèptes coma l’existéncia del vent solar.
 
 
Cossí capitarà a se fondre pas?
 
La temperatura de la corona solara despassa los dos milions de grases centigrads, mas la NASA a trobat lo biais d’evitar que la sonda Parker se fonda en s’i sarrar. Una de las claus se tròba entre la diferéncia entre temperatura (la velocitat de las particulas) e calor (l’energia que transmeton aquelas particulas).  La sonda intrarà dins la corona del Solelh, mas aquí la densitat es fòrça bassa e la calor reüssirà pas a damatjar cap de mecanisme. La sonda Parker recebrà una calor cinc cents còps pus nauta que sus la Tèrra, e lo bloquièr termoprotector mantendrà los instruments de mesura a 30^oC.
 
L’enjòc màger, segon la NASA, es d’evitar la granda radiacion que proven del Solelh.
 

3-2-1… and we have liftoff of Parker #SolarProbe atop @ULAlaunch’s #DeltaIV Heavy rocket. Tune in as we broadcast our mission to “touch” the Sun: https://t.co/T3F4bqeATBpic.twitter.com/Ah4023Vfvn

— NASA (@NASA) 12 d’agost de 2018

 

 

#SunDay is a good day for a launch to the Sun! In an hour, live coverage begins of our second attempt to launch our Parker #SolarProbe spacecraft that will help us answer important solar mysteries. Tune in starting at 3am ET: https://t.co/SAmsnwdwDOpic.twitter.com/jtceavPcSP

— NASA (@NASA) 12 d’agost de 2018