La cadena latinoamericana Telesur emetrà dimenge venent un documentari entitolat Relato de lo inexistente (relat de çò inexistent), qu’explica cossí l’estat espanhòl a creat un fals recit dels faches de l’octòbre passat en Catalonha e Aran per reprimir lo movement independentista. Lo documentari se difusarà a 2h del matin a l’ora d’Occitània, e puèi se poirà veire sul sit web de la cadena.
 
Lo filme es una òbra dels correspondents de la cadena a Barcelona, Joan Ortiz e Carlos Collazos, e i an participat lo jurista David Bondia, l’avocat Eulogi Broto, los jornalistas Esther Vera e Jordi Borràs e la sociològa Clara Camps.
 
Telesur es un canal de television per satellit qu’emet de Caracas estant (Veneçuèla) e que cobrís tota l’America del Sud, l’America Centrala, la Cariba, l’America del Nòrd, l’Euròpa occidentala e lo nòrd d’Africa. En mai del satellit, en Occitània se pòt agachar per Internet.
 
 
 

El próximo sábado 18 publicamos en @teleSURtv un reportaje sobre cómo, en la judicialización del proceso, se construyeron los tipos penales basados en un relato de violencia. Con @DavidBondia@estherveraARA@CampsCalvet@jordiborras y Eulogi Broto. #relatodeloinexistentepic.twitter.com/2kUSZhM5oA

— Joan Ortiz i Serra (@JoanteleSUR) 12 d’agost de 2018