Deman dissabte, a partir de 18 oras, se debanarà una taulejada de sosten a la Calandreta Lo Cigal de Bisa (Menerbés). S’agís d’un aperitiu festiu, d’un grand banquet e de nombrosas animacions tota la serada.
Lo restaurant La Grange, a Bisa, engatjat dins lo projècte associatiu d’escòla occitana dempuèi sa creacion, a decidit de balhar tornarmai lo sieu sosten a la Calandreta Lo Cigal en ofrissent totas las recèptas de la serada.
Qualques artistas e intervenents se son tanplan mobilizats benevòlament per poder concretizar aquel eveniment, amb de nombrosas animacions tota la serada: de concèrts, de dança, de projeccions, de musica…
Per sopar, La Grange prepausa un repais “Grand Banquet” (amb reservacion) a partir de 19h30. Ça que la, una petita restauracion de sopa, lesca e tapas serà possibla tre 22h.
Lo Grand Banquet còsta 25 èuros, vin non comprés, e cal reservar a aquestes numèros de telefòn: +33(0)4 68 48 18 90 / +33(0)6 89 17 98 41 / +33(0)6 03 98 73 62.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari