Se presentèt lo 17 d’agost passat la corala Es Paoesses amb la tòca de promòure lo cant coral en occitan e en Aran. Lo concèrt de presentacion se faguèt a l’ecomusèu Çò de Joanchiquet a Vilamòs (Irissa). La corala es dirigida per Lúcia Mas e es compausada de 25 musicians dont 20 son de femnas. Al concèrt tanben intervenguèron de la corala Margalida de Bossòst, la cantadoira Lúcia Mas, lo tenòr Alejandro Guàrdia e la soprano Begoña Pichòt.
 
En mai d’aquel concèrt de presentacion, Es Paoesses an ja alestit quatre concèrts en Aran, dont a l’ostal de retirada Sant Antòni de Vielha e la messa cantada per l’entronizacion de Sant Ròc de Vilamòs.
 
La corala Es Paoesses es nascuda dins l’encastre que l’a portat en Aran l’associacion Es Paums, coma o rapòrta Tònho Castet dins sa tribuna de Jornalet. Tot comencèt lo 15 d’agost de 2013, amb la celebracion del 40n anniversari de l’anciana banda musicala Es Paums. Alavetz lo grop de musica se reviscolèt amb una nòva orientacion devèrs la lenga e la cultura del país e venguèt una associacion culturala qu’organiza e sosten un fum d’eveniments socials e culturals en Aran, coma o rapòrta Tònho Castet dins lo meteis article de Jornalet.