Actualitats
Trump a anullat 200 milions de dolars d’ajudas a Palestina
L’OLP assolida que “far de cantatge politic amb l’assisténcia umanitària e l’ajuda al desvolopament fonciona pas”
Lo president dels Estats Units, Donald Trump, decidiguèt divendres passat d’anullar los 200 milions de dolars d’ajudas destinadas al palestinians de Cisjordania e de la lista de Gaza. Es atal que Trump a executat sa “ menaça de levar las ajudas, en reprochant als palestinians de voler pas negociar amb Israèl”. Dissabte, un pòrtavotz de l’Organizacion per la Liberacion de Palestina denoncièt un “cantatge lamentable” de part de Washington.
De fach, lo retirament de las ajudas es degut, segon l’Ostal Blanc, al fach que lo president de l’Autoritat Palestiniana, Mahmud Abbas, aja renonciat als Acòrdis d’Òslo e a quina autra signatura de patz que siá en reaccion a la decision del president estatsunidenc de reconéisser Jerusalèm coma capitala d’Israèl. E mai, per justificar la supression de l’ajuda, lo departament d’estat mençona que la lista de Gaza es contrarotlada per l’Hamas, una organizacion palestiniana que ganhèt aquí las eleccions mas qu’Israèl e los Estats Units considèran coma terrorista.
Hanan Ashrawi, membre del comitat executiu de l’OLP, acusèt l’administracion Trump d’utilizar lo “cantatge de bon mercat coma esplech politc”. De son caire, lo cap de la delegacion generala de l’OLP als Estats Units, l’ambaissador Hossam Zomlot, declarèt dins un comunicat que “far de cantatge politic amb l’assisténcia umanitària e l’ajuda al desvolopament fonciona pas”.
La mesura es estada tanplan criticada als Estats Units. Lo senator democrata Patrick Leahy declarèt que los abitants de Gaza “[patirián] al pus dirèctament las consequéncias d’aquela temptativa crusèla e pauc judiciosa”.
De fach, lo retirament de las ajudas es degut, segon l’Ostal Blanc, al fach que lo president de l’Autoritat Palestiniana, Mahmud Abbas, aja renonciat als Acòrdis d’Òslo e a quina autra signatura de patz que siá en reaccion a la decision del president estatsunidenc de reconéisser Jerusalèm coma capitala d’Israèl. E mai, per justificar la supression de l’ajuda, lo departament d’estat mençona que la lista de Gaza es contrarotlada per l’Hamas, una organizacion palestiniana que ganhèt aquí las eleccions mas qu’Israèl e los Estats Units considèran coma terrorista.
Hanan Ashrawi, membre del comitat executiu de l’OLP, acusèt l’administracion Trump d’utilizar lo “cantatge de bon mercat coma esplech politc”. De son caire, lo cap de la delegacion generala de l’OLP als Estats Units, l’ambaissador Hossam Zomlot, declarèt dins un comunicat que “far de cantatge politic amb l’assisténcia umanitària e l’ajuda al desvolopament fonciona pas”.
La mesura es estada tanplan criticada als Estats Units. Lo senator democrata Patrick Leahy declarèt que los abitants de Gaza “[patirián] al pus dirèctament las consequéncias d’aquela temptativa crusèla e pauc judiciosa”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cresi pas que los iancos ajuden gens als palestins, los ajudan a caure e a ser mai explotats pel govern nazi d'Israel.
Trump?
Non pas, le govèrn estatsunidenc, eissut d'eleccions liuras, expriment una opinion populara.
Trump es pas tot solet!
L'electorat de Trump tèn una bella base crestiana fondamentalista, bibliomana, que sostèn Israël e le sionisme, com realizacion profetica...
Aiçò explica aquò.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari