Actualitats
Baiona: RPS se prepara per las eleccions europèas
Aguèron luòc la dimenjada passada l’universitat d’estiu e lo congrès de Regions e Pòbles Solidaris
Baiona a aculhit aquesta dimenjada passat l’universitat d’estiu e lo congrès de Regions e Pòbles Solidaris (RPS), la federacion dels partits regionalistas o sobeiranistas de Corsega, d’Occitània, de Bretanha, de Catalonha, del Bascoat, d’Alsàcia e d’Arpitània.
Una de las tòcas pus remarcablas de la reünion es la participacion a las elecions europèas de 2019 ont RPS “defendrà una vision que permete de despassar l’Euròpa dels estats e d’aprigondir la construccion de l’Union dins lo respècte de la diversitat dels territòris, dels pòbles e de lors lengas”. Lo cap de lista d’RPS per aquelas eleccions serà còrs.
A prepaus de las possiblas alianças, los responsables d’RPS estimèron dissabte qu’èra impossible de s’endevenir amb l’esquèrra melenchonista, amb La Republica en Marcha de Macron e quitament amb lo Partit Socialista. Es solament amb Euròpa Ecologia-Los Verds que veson possibilitats d’acòrdi. “Sèm dins un periòde ont la democracia fonciona pas pus vertadièrament”, çò diguèt a France Bleu lo president d’RPS, l’occitan Gustau Aliròl. “Aquò s’accentua dempuèi l’arribada del novèl president”, çò apond en referéncia a Macron que, segon Aliròl, “met en òbra una politica jacobina”. “Es un jacobin amb un comportament bonapartista!”, s’exclama l’auvernhat en precisant qu’RPS defend “una autra vision, la d’una Euròpa dels pòbles e de las regions”.
L’universitat d’estiu a abordat tres tèmas màgers: lo procès de patz e l’avenir del Bascoat, la reforma constitucionala francesa e l’Union Europèa. Quand al congrès intèrne de la formacion politica, s’es parlat d’un tèxt que marcarà la preséncia d’RPS dins lo debat de las eleccions europèas de 2019.
Una de las tòcas pus remarcablas de la reünion es la participacion a las elecions europèas de 2019 ont RPS “defendrà una vision que permete de despassar l’Euròpa dels estats e d’aprigondir la construccion de l’Union dins lo respècte de la diversitat dels territòris, dels pòbles e de lors lengas”. Lo cap de lista d’RPS per aquelas eleccions serà còrs.
A prepaus de las possiblas alianças, los responsables d’RPS estimèron dissabte qu’èra impossible de s’endevenir amb l’esquèrra melenchonista, amb La Republica en Marcha de Macron e quitament amb lo Partit Socialista. Es solament amb Euròpa Ecologia-Los Verds que veson possibilitats d’acòrdi. “Sèm dins un periòde ont la democracia fonciona pas pus vertadièrament”, çò diguèt a France Bleu lo president d’RPS, l’occitan Gustau Aliròl. “Aquò s’accentua dempuèi l’arribada del novèl president”, çò apond en referéncia a Macron que, segon Aliròl, “met en òbra una politica jacobina”. “Es un jacobin amb un comportament bonapartista!”, s’exclama l’auvernhat en precisant qu’RPS defend “una autra vision, la d’una Euròpa dels pòbles e de las regions”.
L’universitat d’estiu a abordat tres tèmas màgers: lo procès de patz e l’avenir del Bascoat, la reforma constitucionala francesa e l’Union Europèa. Quand al congrès intèrne de la formacion politica, s’es parlat d’un tèxt que marcarà la preséncia d’RPS dins lo debat de las eleccions europèas de 2019.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
RPS pensa qu'es solament amb Euròpa Ecologia-Los Verds qu'una aligança es possibla.
Aquò vòl dire que l'afar es ja plegat ?
Aquò vòl dire qu'anam contunhar la vièlha politica sucursalista que nos mena enlòc ?
Votarai e farai votar RPS se RPS se far portar tot sol per las Europencas.
Se RPS se fa portar amb un Partit francés farai la cauma de la votacion e cridarai lo monde a l'abstencion.
Macron es pas solament un jacobin; es lo representent de las multinacionalas e daus millardaires que volan pas lachar lòr poder.
D'aqui las eleccions, de l'aiga aura passat sos lo pont e la situacion politica semblera pas la d'uei.
Concentram -nos sur çò qu'es positiu dins aquel text :" depassar l'Euròpe daus estats e far l'union europenna en respectar la diversitat daus teritoris e lo respect de lòr lenga". De segur quò passa per de las reformas de las institucions.
Se poria tanben denonçar coma França a degut far lo forcing dempuei Montsegur tot lo lonh de 700ans d'istòria, per eradicar sas lengas, e reclamar una reparacion istorica.
La politica de França ven pus daus frances mas de decisions internacionalas qu'obeissan a daus millardaires qu'an una idéia de la faiçon d'espleitar tots los pais e manipular lòrs medias. Las ideologias, las religions, la filiosofia son manipuladas per los mesmes; l'umanitari, los combats ecologias son mas aqui per un semblant de democracia.
Uei, la destinada de França dau nòrd se separa de la destinada de França dau sud. Lo nòrd viesa vers Allemanha e pus lonh Russia.
Occitania planh lo temps enta sas campanhas e sas montanhas abritavan una populacion jòuna, ente i avia de las relacions transversalas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari