capçalera campanha

Actualitats

EnvironamentInternacionalPoliticaSocietat

Demission del ministre francés de l’environament: “Me vòli pas pus mentir”

Nicolas Hulot anóncia sa demission, decebut de l’incapacitat de cambiar “lo modèl dominant liberal que destrutz l’environament”

Lo ministre francés de la transicion ecologica e de la solidaritat, Nicolas Hulot, anoncièt dimars passat sa demission. “Me vòli pas pus mentir”, çò diguèt a France Inter. Hulot aviá denonciat las pressions dels lobbies sus las politicas environamentals e lo modèl liberal existent.
 
Hulot anoncièt sa demission sus France Inter quitament sens aver res dich al president, Emmanuel Macron, ni mai al primièr ministre, Édouard Philippe. “Es la decision pus dolorosa”, çò diguèt lo ministre demissionari que se mostrèt decebut de l’incapacitat de cambiar “lo modèl dominant liberal que destrutz l’environament” e que causa “l’apauriment de la biodiversitat e la contaminacion del sòl”. En mai d’aquò, Hulot afirmèt que lo govèrn francés “considèra pas que l’ecologia siá una prioritat”.
 
Enfin, lo ministre demissionari assolidèt qu’esperava que sa decision “[seriá] utila e que cadun [prendriá] sas responsabilitats”.
 

 
 
La prioritat de Macron es la creissença economica a quin prètz que siá
 
L’Observatòri Critic del Cambiament Climatic dels Païses Catalans se regaudiguèt de la decision d’Hulot. “Lo bon marketing de Macron l’a presentat coma lo grand luchaire europèu contra lo cambiament climatic. La realitat es que, ara que la creissença [economica] de França s’es estancada un pauc, la prioritat torna èsser de créisser a quin prètz que siá”, çò ditz l’organisme que mòstra tot son sosten “a la coeréncia de Nicolas Hulot”.
 

 
 
 
 
 


abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
4.

Una bona persona qu' ha vist que non hi ha res a far amb amb Macona.

  • 1
  • 0
JC
3.

Papioli, podriatz far un esfòrç sus la lenga si'us platz ? Coma Lemosin, me fariá plaser. Mercés.
*cresavia>cresiá
*que l'an fan eligits>que l'an fach elegir.

  • 6
  • 2
Lo raiòu Cevenas
2.

Mossur Hulot, podèm pas viure eternalament en contradiccion emb de sas pensadas. Venètz d'endevenir vòstras pensadas e vòstres actes. Podiatz pas faire mièlhs. Sètz un idealista concient. E malerosament, sètz estat a la prumièira plaça per constatar qu'au govèrn son venduts als enterèsses dals senhors de l'economia. Macron èra ben l'òme de la situacion. Es a sa plaça per defendre los gròs enterèsses dals uns sans perdre los pichòts enterèsses dals autres.
Perdequé los Conselhs Generaus fan tant de reclama per l'escalon aministratiu qu'es lo despartament ? Perque n'i a mai d'un au despartament, de simples cònses o ancians estudiants dau Drech venguts adjonchs a la Comuna, que se son fachs d'a passets una placeta caudeta. An escalat pacientament, esperent lur torn e s'avisariáun pas, d'aquí enlai, de perdre una brisa : còmpton de far tirar enjusca la retirada, pensatz-vos !

Pasmens, aquò pausa bien de questions : quant de temps encara contunharem de faire lo jòc d'aquelos tipes ? Quant de temps encara contunharem de votar per aquelos tipes ? Quant de temps encara los laissarem nos dirigir liòga de nos representar ? Esperarem encara lòngtemps per nos tornar apropriar lo poder de decision sus nòstras vidas ? Quora veirem d'iniciativas popularas préner plaça per enstaurar a flor e mesura lo ceucle vertuós d'una democracia locala e participativa ?
A pas d'idèias l'occitanisme ? Sèm quauques-uns que li ne'n trovarem ! Autrament, o farem nautres sans esperar qu'esbrande son esquèma de pensada...
Avèm tròp esperat : fai prèissa agir localament, socialament, concretament !

  • 9
  • 0
Papioli
1.

Se cresavia lo lop dins la berjaria mas era mas l'anheu dins la taniera dau lop.
Se cresiava l'amic de Macron mas Macron es lo representant de las multinacionalas que l'an fan eligits.

  • 13
  • 5

Escriu un comentari sus aqueste article