CAPÇALERA PAIS INVISIBLE

Actualitats

InternacionalPoliticaSocietat

Alemanha: de protèstas xenofòbas e neonazis an pres las carrièras de Chemnitz

Merkel a condemnat las agressions xenofòbas que las a qualificadas de “caças d’òdi”

Qualques milièrs de neonazis, xenofòbs e ultradrechistas an manifestat dins los darrièrs jorns per las carrièras de Chemnitz, dins l’èst d’Alemanha, en ocasionant de rambalhs e de violéncias contra las personas immigradas. Las protèstas las jonguèt lo parti d’extrèma drecha Alternativa per Alemanha (AfD) qu’apelèt a manifestar contra la cancelièra, Angela Merkel, que l’acusan d’aver aculhit de milièrs de refugiats.
 
Las protèstas las auriá aviadas una bagarra que se tenguèt dimenge passat, dins la quala un òme moriguèt en causa de dos sospechats estrangièrs. Aquel fach faguèt espetar un conflicte qu’èra ja latent en Alemanha. Lo meteis dimenge, de neonazis e de xenofòbs prenguèron las carrièras per “caçar de migrants” mentre que cridavan “Fotètz lo camp!” e “Sètz pas benvenguts!” en fasent de saludacions faisistas e en portant de simbòls nazis. La polícia ensagèt d’apasimar la violéncia dels manifestants.
 
Diluns, de grops antifaissistas faguèron lor contramanifestacion. La violéncia a Chemnitz aumentèt fòrça.
 
La vila Chemnitz se tròba dins l’estat de Saxònia, un endrech ont lo movement antimigrants d’AfD es mai que mai fòrt, e es un dels fogals de las protèstas contra las politicas migratòrias de l’executiu d’Angela Merkel.
 
De son costat, Merkel a plangut qu’a Chemnitz se siá practicat de “caças d’òdi” contra d’estrangièrs.
 

 
 

 
 

 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
6.

Lo nacionalisme agresiu es el que vol agredir o aprofitar se de las altras nacions per las sometre,coma lo nacionalisme espanyolo castelhan.
Lo nacionalisme defensiu catalan, es el que no vol ser oprimit per los nacionalismes agressius opressors.

  • 1
  • 0
Mèfi ! 31
5.

#2 l'affar dels viòls fosquèt desmentida aprèp enquesta...
Aquò vòl pas díser qu'i son pas de problèmas ligats als immigrants...
Aquò se passa en ex RDA,...

  • 0
  • 3
Mèfi ! 31
3.

Se que de non, sembla que se ditz Saxa e non pas Saxonia, mais soi pas saxofòne...

  • 6
  • 4
Pierre TERRAL
2.

« Angela Merkel, que l’acusan d’aver aculhit de milièrs de refugiats. » Non ! L’acúsan d’aver aculhits de centenas de milièrs d’immigrants clandestins (1 543 800 d« immigrants » en 2015 d’aprèp las
estatisticas de l’UE, probablament josestimadas), e de contunhar de n’aculhir.
« una bagarra que se tenguèt dimenge passat ». L’informacion crapulosa dins tota son esplendor. La premsa francofòna subvencionada tracta sistematicament de « bagarre » o « rixe » las agressions d’autoctònes per d’immigrats armats de cotèls, atal la responsabilitat es partejada. Jornalet es estat a bona escòla.
« Merkel a plangut qu’a Chemnitz se siá practicat de “caças d’òdi” contra d’estrangièrs. » Es de plange qu’aje pas planjut, abans, las victimas de sa politica dempuèi los viòls de Colonha e tota la seguida.
https://www.letemps.ch/monde/selon-un-rapport-allemand-criminalite-augmente-nombre-migrants-pays

  • 14
  • 16

Escriu un comentari sus aqueste article