Actualitats
Lo papa Francés recomanda de tractar l’omosexualitat dels enfants al psiquiatra
“Quand aquò se manifèsta dempuèi l’enfància, i a fòrça causas a far mejançant la psiquiatria”, çò afirmèt lo pontife de retorn d’Irlanda
Lo papa Francés vesitèt Irlanda la dimenjada passada. Aquí, lo pontife demandèt perdon a las victimas dels abuses sexuales reïterats de part de membres de la Glèisa. Per tant, aquel viatge deviá simbolizar un cambiament de direccion del Vatican. Pasmens, de retorn a Roma, Francés tenguèt de prepauses fòrça incendiaris envers l’omosexualitat infantila.
Lo cap de la glèisa catolica diguèt que los parents que constatan que lors enfants an de tendéncias omosexualas los devon menar al psiquiatra.
Es abitual que lo papa faga una conferéncia de premsa dins l’avion quand rintra al Vatican après un viatge. En aquela ocasion, un jornalista li demandèt que recomandariá als parents que remarcan de tendéncias omosexualas en lors enfants. “Quand aquò se manifèsta dempuèi l’enfança, i a fòrça causas a far mejançant la psiquiatria, per veire cossí van las causas. Es quicòm mai quand aquò se manifèsta après los vint ans”, çò respondèt. Puèi apondèt qu’en primièr luòc diriá als parents “que preguèsson, que condemnèsson pas, que dialoguèsson, que comprenguèsson, que donèsson d’espaci al filh o a la filha”.
Una evolucion del cap de la glèisa catolica
Malgrat la polemica, cal notar que lo cap de la glèisa de Roma a evolucionat a respècte de l’omosexualitat. En 2010, lo qu’èra alara lo cardinal argentin Jorge Bergoglio, mandèt una letra als quatre monastèris de Buenos Aires per denonciar lo maridatge dels omosexuals coma quicòm de demoniac, “la pretension de destruire lo plan de Dieu”.
Lo cap de la glèisa catolica diguèt que los parents que constatan que lors enfants an de tendéncias omosexualas los devon menar al psiquiatra.
Es abitual que lo papa faga una conferéncia de premsa dins l’avion quand rintra al Vatican après un viatge. En aquela ocasion, un jornalista li demandèt que recomandariá als parents que remarcan de tendéncias omosexualas en lors enfants. “Quand aquò se manifèsta dempuèi l’enfança, i a fòrça causas a far mejançant la psiquiatria, per veire cossí van las causas. Es quicòm mai quand aquò se manifèsta après los vint ans”, çò respondèt. Puèi apondèt qu’en primièr luòc diriá als parents “que preguèsson, que condemnèsson pas, que dialoguèsson, que comprenguèsson, que donèsson d’espaci al filh o a la filha”.
Una evolucion del cap de la glèisa catolica
Malgrat la polemica, cal notar que lo cap de la glèisa de Roma a evolucionat a respècte de l’omosexualitat. En 2010, lo qu’èra alara lo cardinal argentin Jorge Bergoglio, mandèt una letra als quatre monastèris de Buenos Aires per denonciar lo maridatge dels omosexuals coma quicòm de demoniac, “la pretension de destruire lo plan de Dieu”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Papa es argentin e en Argentina los psiquiatras, psicanalistas e autres psicològs fan marmanda. Un fum d'argentins, al mens en vila, se fan psicanalisar. Al mes es la reputacion qu'an dins los autres païses ispanofòns. En realitat, se parla facilament de "analisa" quand de còp se tracha pas que de veire un psicològ. Alara benlèu que lo sénher Bertoglio emplèga pas lo mot coma o fariam nosautres.
Terminologia
Le papa, sembla que barrèja, psiquiatre e psicològue, pèdofil e omosexual,...
El destengue omosexualitat d'enfant e d'adult, e aquí s'interèssa al cas dels enfants...
L'omosexualitat precòç, abans tota sexualitat, probable qu'existe pas...
Se pòt suppausar que le papa vòl parlar dels enfants attirats pella sexualitat dels adultes, e que suscitan de cas de pèdofilia. Sembla que l'enfant aujèssa una responsibilitat dins la pèdofilia, mais que cal pas lor recastar. Es una forma indirècta de comprension de la pèdofilia...
#10 Ai jamai dich lo contrari, urosadament que l'omosexualitat es pus considerada coma una malaudiá, l'i a mas que demòra socialament mai o mens malaisada de viure per 'mor que la societat es enguera majoritàriament omofòba. Aquí, parlava nonmàs dau tractament de l'informacion per los medias sensacionalistas. L'i a pro a reprochar a l'egleisa sens far dins l'efiech d'anóncia. Tant qu'a la psiquiatria, l'emplec dau mot es fòrça criticable, qu'es totparier pas rale qu'un dròlle que se descuebra omosexuau àia mestier d'un sosten psicologic per causa de l'omofobia sociala, sabetz queraque que l'i a quitament de las familhas que las dròllas e los dròlles omosexuaus son repudiats per lors parents o, pieg, son victimas de mautractament que pòden menar a la quita mòrt, adonc, un sosten psicologic (e non psiquiatric) es pas una chaitiva idea (mas, segur, sabe pas si qu'es exacatament çò que lo papa voliá dire, mas d'aquí a dire, coma l'an fach los medias, que lo papa a dich que l'omosexualitat era una malaudiá a psiquiatrisar en prene un bocin de son discors, aquò me semblqa un biais d'interpretacion nonmàs per crear un "buzz" mediatic).
#10 Avètz rason de precisar que lo mòt "siquiatria" çai emplegat per lo Papa es pas a sa plaça. E tornarmai rason d'ajustar que "l’omosexualitat es pas pus considerada coma una malautiá !". Ieu aime bograment mai dos òmes o doas femnas que s'àimon que non pas dos òmes o doas femnas que s'entretúon, segur ! L'esperit dau guerrejar e dau possedir, aquò òi, es una patologia !
Benlèu que lo Papa fasiá referença a quauqua estraviadura de la sessualitat, a de praticas sado-masoquistas (ce que m'estonariá) o ben... fasiá referença enconcientament a la pederastia (autrasfes silenciosa) que l'aclapa de vergonha l'Estitucion Catolica Romana...
Cada cop va pigre lo Papa, se veu que las calors li provan pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari