capçalera campanha

Actualitats

InternacionalPolitica

Salvini e Orbán escometon l’UE amb un acòrdi antiimmigracion

De milièrs de manifestants an protestat per las carrièras de Milan per protestar contra lo barrament de las frontièras que lo defendon los dos caps d’extrèma drecha

| Marco Bertorello, AFP
Lo ministre de l’Interior italian, Matteo Salvini, e lo primièr ministre ongrés, Viktor Orbán, an signat una aliança contra l’immigracion e an exigit de l’Union Europèa que càmbie sa politica migratòria. Los dos dirigents d’extrèma drecha s’amassèron dimars passat a Milan amb la volontat d’arrestar la venguda d’immigrants dins l’UE. Orbán diguèt que Salvini èra un “eròi” e saludèt lo barrament dels pòrts italians a l’arribada de refugiats e de vaissèls de salvament. Parallèlament a la reünion, de milièrs de personas manifestèron per las carrièras de Milan contra los dos caps en tot revendicar una “Euròpa sens murs”. Los manifestants mostravan de bandeiròlas contra lo populisme xenofòb, dont una remarcava que “lo vertadièr enemic es lo que causís las personas que te cal odiar“.
 
La reünion se tenguèt amb los uèlhs sus las eleccions al Parlament Europèu que se faràn lo mes de mai venent. Los partits d’extrèma drecha de tot lo continent cèrcan d’obténer un resultat melhor qu’en 2014 e de poder bastir un front eurosceptic dins l’Europarlament.
 
 
Macron s’autoproclama opausant de Salvini e Orbán
 
Lo president francés, Emmanuel Macron, s’es autoproclamat principal opausant de Salvini e Orbán. “Cedirai pas res als nacionalistas e als que promòvon aqueles discorses d’òdi”, çò diguèt de Danemarc estant. Per contra, la cap del Recampament Nacional (èx-FN), Marine Le Pen, a saludat la reünion dels dirigents xenofòbs a Milan.
 
 
 

 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
6.

Los manca finesa a los dos, mas a Sanchez e Macona los manca cervelh.

  • 2
  • 0
Enric Mala Tèsta
5.

#3 Quand las fòrças siá disent "d'esquèrra" se mòstran extrèmament a dreita (coma Hollande e Valls, o los socialistas espanholista anti-catalans) arriba la siá-disent "ultra-esquèrra" se contenta de demorar a esquèrra, tot simplament. Aquò non se pòt de ges de biais comparar amb l'ultra-dreita fondada subre la páur de l'autre amb d'interèsses amagats oligarquics.

  • 13
  • 3
Lo raiòu Cevenas
3.

La venguda dals estrèmas au poder marca, per ieu, un chorrament duradís de nòstra societat. L'arrivada d'aqueles estrèmas, siágon de gaucha o de drecha : aquò's de curatiu que n'es pas. Aquò marca puslèu la crida au secors d'una societat realista mès desorada au còp. Sèm victimas de nòstre trin de vida, que nòstres país occidentaus ménon bèl batre sus l'esquina dals africans, indos e asiaticas : man d'òbra a res non còst, mineraus e autras richessas dau sota-sòu que las populacions localas ne'n tòcon pas qu'un maigrostèl percentatge, eca. Segur que veirem pas una guèrra de declarada au fin fons de la tondra siberiana. Las populacions europencas paguem, mai o mens responsables dinc l'afaire, la politica de nòstres chaps d'Estat. Meissonem ce qu'an semenat. E los avèm elegits.

L'epòca endustriala a trasformat nòstras comunautats paisanas en endividualitats ciutadinas. Aviam d'identitats portairas de sens, de savença, de creacion culturala e economica sus lur liòc de vida. Ara, de qu'avèm per nos aparar dau sentiment de pèrda identitària ? Pas res. De qu'avèm per ofrir ? Pas res. Amai avèm perdut tot poder de decision sus nòstras vidas estèrlas e nòstras identitats vernaculàrias morentas e diluïdas.

Se n'es vrai que sèm venguts los espectators morralhats de nòstra dilucion progressiva, es vrai qu'una identitat assumida, enracinada, fòrta e bien presenta mès non replegada e embarrada se fai pas diluïr coma aquò.
E los immigrats dinc l'afaire ? E ben... ríscon pas lur vida per lo plaser, que non !
Es per aquò que, vist que sèm a mitat responsables d'aquesta immigracion, devèm consentir de viure pus simplament e, a costat d'aquò, oblijar los Estats d'arrestar la venda d'armas ; en mai d'aquò los oblijar eles amai los "senhors de l'economia" d'acompanhar lo desvolopament economica e educatiu dals país concernits emb d'envestir lurs enterèsses amai l'argent qu'aurem estauviat collectivament, pòples d'Euròpa, de per un trin de vida mai simpla.

Tot aquò passarà per la remesa en causa dau poder qu'avèm autrejat a nòstres dirigents. Devèm nos tornar apropriar lo poder sus nòstras vidas en comencent localament. Chanjament qu'aurà de consequenças positvas :
- desvalorizacion de la velleïtat de poder ;
- desvalorizacion de la competicion ;
- enauçament de la valor "coperacion"
- jovença encargada, responsabilizada e reconeisseguda per sas competenças e sas valors ;
- economia locala non deslocalizabla, de talha umana e autogerida ;
- fin dau sentiment de menaça identitària adonc melhora aculhença dau refugiat, de l'immigrat en situacion de sobrevida ;
- fin de l'assistença sociala ecessiva mès retorn dau sens de la responsabilitat endividuala e de la solidaritat vraiament justificada e sincerament ofrida.

La fin dals oportunismes de tota mena, la fin dals estremismes de tota mena e lo retorn d'una certana armonia enteriora endividuala e collectiva passarà per aquò. A l'òvra, l'occitanisme !

  • 6
  • 3
Papioli
2.

Me damandes si mesuratz tota la portada d'aquela article :
- Tots unis, de l'extrem-equerre au centre dreit, contre lo dictator Macron.
- Dau temps de la guerra au Vietnam, un òme avia doas dròllas e auria plan aimat un goiat. Disset a sa femna : "e, si adoptavan un efant vietnamien?". La femna devenguet roja de color e disset qu'en avia pron d'elevar doas dròllas tota sola. Quò es ben una mentalitat miejaterana: brave tipe en public, mas a l'ostau quò fai coma quò pòd.
- Brave Euròpe que chau totjorn acuelhir los autres apres los aver colonisats e mitrallats. Quauqu'un s'occupara ben daus imigrants mas qui?
- la generositat es bona mas quand deven innocença quò vai pus. Drubetz vòstra pòrta a tot lo monde o la barrar de temps en temps?
- lo faissime de l'autre pòd catar son faissisme a se.
- Tot es fach per opausar las populacions entre elas e quò serv p'un piau l'unitat d'Occitania.
- Setz segur que dins las manifestacions per l'acuelh daus migrants i a tant de monde qu'aquò?
- Darrier la dictatura Merkel/Macron i a belcòp de causas que se disan pas.
-etc

  • 8
  • 7

Escriu un comentari sus aqueste article