Actualitats
Hawaii: jutjat per aver ensajat d’ajudar a l’Estat Islamic, un soldat se reconeis colpable
L’èx-militar s’èra amassat mai d’un còp amb d’agents de l’FBI qu’el cresiá qu’avián de connexions amb l’organizacion jihadista
Un sergent de l’armada estatsunidenca, que li dison Ikaika Erik Kang, s’es declarat colpable d’aver ensajat de fornir l’autoproclamat Estat Islamic, çò rapòrta El Nacional, que cita lo ministèri de la justícia dels Estats Units. Kang a admesa sa culpabilitat d’aver temptat de donar d’ajuda e d’assisténcia a l’EI après èsser acusat en junh passat.
Kang a reconegut sa culpablitat après acceptar una condemna de 25 ans de preson e de 20 ans de libertat susvelhada. La senténcia la deu prononciar, lo 10 de decembre que ven, la jutgessa federala de Hawaii, çò rapòrta la CNN. A l'ora d'ara el a 35 ans.
Segon l’enquèsta judiciària, Kang venguèt partisan de l’EI en 2016 après veire de vidèos de l’organizacion terrorista, dont d’execucions violentas. E mai, el faguèt “plusors declaracions en sosten de l’Estat Islamic e exprimiguèt son desir de lo jónher”. Es per aquela rason que las autoritats de l’estat d’Hawaii e las autoritats federalas dels Estats Units susvelhèron sos movements e cerquèron lo biais de l’arrestar. Dins aquel sens, l’èx-militar s’èra reünit en divèrsas ocasions amb d’agents de l’FBI qu’el cresiá qu’avián de relacions amb l’EI, e lor forniguèt de documents militars confidencials, un dròne per espionar los movements de l’armada estatsunidenca e de vestits militats per tal qu’arribèsson a l’organizacion jihadista.
En julhet de 2017, Kang jurèt leiautat a l’Estat Islamic e a son cap, Abu Bakr Al Baghdadi, dins una ceremònia menada pel presumit cap de l’EI, qu’en realitat èra un agent de l’FBI desguisat, que puèi arrestèt Kang.
Kang a reconegut sa culpablitat après acceptar una condemna de 25 ans de preson e de 20 ans de libertat susvelhada. La senténcia la deu prononciar, lo 10 de decembre que ven, la jutgessa federala de Hawaii, çò rapòrta la CNN. A l'ora d'ara el a 35 ans.
Segon l’enquèsta judiciària, Kang venguèt partisan de l’EI en 2016 après veire de vidèos de l’organizacion terrorista, dont d’execucions violentas. E mai, el faguèt “plusors declaracions en sosten de l’Estat Islamic e exprimiguèt son desir de lo jónher”. Es per aquela rason que las autoritats de l’estat d’Hawaii e las autoritats federalas dels Estats Units susvelhèron sos movements e cerquèron lo biais de l’arrestar. Dins aquel sens, l’èx-militar s’èra reünit en divèrsas ocasions amb d’agents de l’FBI qu’el cresiá qu’avián de relacions amb l’EI, e lor forniguèt de documents militars confidencials, un dròne per espionar los movements de l’armada estatsunidenca e de vestits militats per tal qu’arribèsson a l’organizacion jihadista.
En julhet de 2017, Kang jurèt leiautat a l’Estat Islamic e a son cap, Abu Bakr Al Baghdadi, dins una ceremònia menada pel presumit cap de l’EI, qu’en realitat èra un agent de l’FBI desguisat, que puèi arrestèt Kang.
U.S. Soldier Ikaika Kang Pleads Guilty To Trying To Help #ISIShttps://t.co/Wcym5itNs1pic.twitter.com/JoU6CA6Qxp
— Terrorism Acts (@Terrorism_Acts) 30 d’agost de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari