Qualques centenats de personas manifestèron ièr divendres a Vielha (Castièro) per denonciar los damatges de la fauna salvatja e per un cambiament de las politicas de gestion de la fauna per protegir l’elevatge.
 
La protèsta se tenguèt jol lèma “Eth territòri de montanha en luta. Os, arrian, cabiròu, sanglièr [singlar]... non mès damatges de fauna” e foguèt convocada pel principal sindicat païsan de Catalonha Unió de Pagesos (Union de Païsans).
 
Lo sindic d’Aran, Carlos Barrera, participèt a la manifestacion qu’amassava tanben de representants d’organizacions d’elevaires d’endacòm mai, tant del sud dels Pirenèus coma de la rèsta d’Occitània.