Actualitats
L’Arabia Saudita reconeis aver tuat 44 enfants qu’anavan a l’escòla
Lo 9 d’agost passat, la coalicion militara dirigida per l’Arabia Saudita bombardèt un autobús escolar en Iemèn, amb lo resultat tragic d’una cinquantena de mòrts
Fa qualques jorns, l’ÒNU denoncièt que los dos camps que s’afrontan en aquel conflicte aguèsson comeses de crimes de guèrra. Pasmens, la majoritat de las victimas civilas las a causadas la coalicion comandada per l’Arabia Saudita.
Una guèrra qu’a començat en març de 2015
Las armadas d’un desenat de païses, dirigits per l’Arabia Saudita, atacan dempuèi març de 2015 la milícia shiita dels huthis en Iemèn. Aquela milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic a las atacas sauditas contra los huthis.
Segon l’ÒNU, lo país es prèp de la catastròfa umanitària, e 21 milions de iemenitas an de besonh d’assisténcia en Iemèn del temps que las fòrças del govèrn, los sauditas e los huthis, contunhan los afrontaments.
44 backpacks to represent the 44 children killed by a Saudi-led airstrike on a school bus in #Yemen. The attack was carried out with US weapons. While we were there a Yemini man walked up with tears in his eyes and said, thank you for caring. Another world is possible. pic.twitter.com/FdUISVXe2Q
— Rory Fanning (@RTFanning) 30 d’agost de 2018
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Arabia saudita un estat creat pels nord americons.
Existis dins lo mond un estat islamic qu'es pas "auto-proclamat", mas plan internacionalament reconegut e respiechat coma tal. Aplica menimosament e rigorosament la charià. Foètada o lapidacion per la femna adultària, man trencada per lo raubaire, servicials d'ostau considerats coma d'esclaus, e autras joiosetats edat-mejanencas. Aquel polit estat islamic d'Arabia Saudita, produsèire capdal dau petroli mondial e entre autre brès de l'onorabla familha Ben Laden, es lo bon companh, l'arabi-coma-cal de las democracias occidentalas. Dels americans ço primièrs, puèi dau demai d'Occident que seguis servilament, que lo blat e lo profièch es tot ço que compta. Busisness first my friend ! Doncas podem tancar los uolhs s'aquel aligat-coma-cal fai d'exaccions e de crimis contra l'umanitat al Yemen idem qu'o fai lo Bachar El Assad en Siria. E en pus es un bon compraire de la logistica guerrejaira francesa "que le monde entier nous envie ". Alara, colèga, m'as comprès !
#1 La França, a títol public, segon la volontat electorala dels pòbles consultats subre la question ? O unes entreprenèires de nacionalitat francesa (mas que pagan l'ompòst a las Islas Caïman), e a títol privat ? La França policita ensaja de ligar d'accion comercialas amb Iran. Los vendèires d'armas vendon d'armas a qui las crompa e las paga. Per ne far qué, aquò es pas son problèma. Lo cinisme es rei del mond.
Cal mercejar los païses que vendon d'armas a Arabia Saodita... De noms! de noms!
P.-S: PSOE, amb lo PP e Ciudadanos venon de bloquejar l'enquèsta parlamentària sus lo cas Corinna (corrupcion de l'ancian rei Juan Carlos amb las ventas d'amas a Arabia Saodita). L'arribada dels pseudosocialistas al poder en Espanha -o dels macronilatras en França- cambia pas res a despart l'enfumatge per la paraula. e es que, coma diguèt don Tancredo: "Se vogliamo que tutto rimanga coma è, bisogna que tutto cambi."
França provède d'armas en Arabia Saudita...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari