Pierre Ensch, director adjonch de l’entrepresa de lach Candia, anèt divendres passat a Sant Tiorre (Montanha Borbonesa), per anonciar als representants del personal la barradura del sit. Après o diguèt als salariats qu’èran amassats dins l’usina.
Segon Ensch, l’usina, que compta amb 106 salariats, barrarà en setembre de 2013. Tanben indiquèt que se prepausarà de solucions de reclassament a totes los salariats, suls 48 sits del grop Sodiaal, proprietari de Candia.
Los salariats an decidit de protestar pendent tota la dimenjada en tot èsser presents dins lors luòcs de trabalh, e uèi diluns son en cauma. “Aviam qualques dobtes dempuèi setembre, mas esperàvem pas la barradura”, çò declarèt a l’AFP Maxime Sanvoisin, delegat del personal.
Al delà del sit en Occitània, Candia vòl barrar dos sits mai dins l’Estat francés, dont un es en Arpitània a Velafranche (Villefranche-sur-Saône) e l’autre a Lude en Sarthe.
____
Sant Tiorre [Saint-Yorre]
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un plaser de legir nòvas de la zòna del "creissent" (Aimi pas gaire aqueste escais "gastronimic"), digam puslèu del nòrd del país.
un article plan dins la "consciéncia del país"
La Montanha Borbonesa, un polit país que s'i pòt descobrir lo parlar aquí:
http://www.youtube.com/watch?v=VrvRx5VYEWI
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari