Sur le bout des langues qu’ei lo nom de la sèria d’articles dedicats a las lengas ditas regionaus que perpausa Michel Feltin Palas suu sit Internet de L’Express. Lo darrèr article que sòrt de paréisher e que s’ac vau d’estar lejut. Quan serà pro coneguda la tematica, en aquesta temporada de rentrada escolara, totun, qu’ei segurament de tornar parlar deus metòdes d’ensenhament deus regents d’un còp èra, qui castigavan los mainatges quan parlavan patés, com ac disèvan. Un dispositiu en usatge dinc aus ans sheishanta, que los regents aplicavan en pensar har com cau entà l’aviéner deus dròlles, au nom de l’egalitat republicana. Qu’ei un deus questionaments deu jornalista aquiu: avossen podut accedir a l’escaduda professionau dens la lor lenga, los mainatges, ne’n serem pas on n’èm uei lo dia.
 
Un devís repepiat au mei har dens lo monde militant cèrtas, mes qui trobarà benlèu, dens un jornau franchimand, un reclam diferent.
 
Que’vs podetz inscríver sus aqueste ligam entà arrecéber cada setmana los articles de Michel Feltin Palas sus las questions de las lengas regionaus.
 
 
 
 
Ràdio País
 
 
 
 

---

Aqueste article es fruch d'un acòrdi de cooperacion entre Jornalet e Ràdio País.