Actualitats
Pau: protèsta contra la manca de navèths pòsts de regents en Ikastola
La Federacion de las Calandretas de Bearn que serà presenta entà sostiéner Seaska; era tanben que deu aviar lèu negocacions per las soas escòlas...
Après la manifestacion deus ensenhaires d’Ikastola davant l’inspection academica de Pau lo 31 d’aost passat e la deus parents per la rentrada au dehens de las escòlas, tots que s’amassan a la hera de Pau, uei dissabte a 11h, entà arcuélher com se deu lo ministre de l’Educacion Jean-Michel Blanquer. La Federacion de las Calandretas de Bearn que serà presenta entà sostiéner Seaska; era tanben que deu aviar lèu negociacions per las soas escòlas...
L’encausa deu lor maucontentèr: la manca de navèths pòsts de regents en Ikastola per la rentrada. Que’n calè 25 entà har cap a la creishença deus efectius, ne n’i aurà pas que 5,5.
Un engan administratiu evitable
Au còr de la contèsta: la darrèra convencion triennau passada entre Seaska, l’Ofici Public de la Lenga Basca e l’Educacion Nacionau francesa. En efèit, aquesta que mentavè que l’Estat e devèva "provedir las Ikastolas dab pro de regents", mes ne’n precisava pas lo nombre! Un engan administratiu evitable, e qui hè beròi puishèu a l’espandida de l’ensenhament en lenga basca.
La convencion que s’acabè au mes de junh passat, ua navèra que serà negociada augan, dab mei de precisions qu’ac esperam. Mentretant, que son las interpretacions de cada partit qui’s hèn cap, dab en tela de hons lo conflicte costumèr ensenhament/efectius/finançament.
Mes çò qui truca mei que tot, qu’ei l’argument màger de l’Educacion Nacionau francesa. En efèit, que justifica lo nombre de pòstes ubèrts dab l’estagnacion deus efectius au nivèu.... estatau! Un rasonament de mau créder, parisenc cap e tot, mes qui pausa totun ua reflexion vertadèra sus la nosta faiçon de negociar dab l’estat.
En chifra, la hauça deus efectius en Ikastola qu’ei de 230 escolans, per un totau de 3900, e uns 200 regents. Alavetz 5,5 pòsts entà arcuélher 230 mainats mei que correspon haut o baish a classas dab un quarantenat d’escolans; en tot precisar que la reparticion vertadèra ei mei complèxa qu’aquò, dab mei d’un paramètre a considerar. Qu’ei d’aulhors ua de las entravas màgers: lo biaish d’interpretar las chifras, hèra diferent deu Bascoat estant que de París.
Ikastola que ten adara au Bascoat Nòrd 31 escòlas primàrias, 4 collègis e 1 licèu.
Ràdio País
Aqueste article es fruch d'un acòrdi de cooperacion entre Jornalet e Ràdio País.
L’encausa deu lor maucontentèr: la manca de navèths pòsts de regents en Ikastola per la rentrada. Que’n calè 25 entà har cap a la creishença deus efectius, ne n’i aurà pas que 5,5.
Un engan administratiu evitable
Au còr de la contèsta: la darrèra convencion triennau passada entre Seaska, l’Ofici Public de la Lenga Basca e l’Educacion Nacionau francesa. En efèit, aquesta que mentavè que l’Estat e devèva "provedir las Ikastolas dab pro de regents", mes ne’n precisava pas lo nombre! Un engan administratiu evitable, e qui hè beròi puishèu a l’espandida de l’ensenhament en lenga basca.
La convencion que s’acabè au mes de junh passat, ua navèra que serà negociada augan, dab mei de precisions qu’ac esperam. Mentretant, que son las interpretacions de cada partit qui’s hèn cap, dab en tela de hons lo conflicte costumèr ensenhament/efectius/finançament.
Mes çò qui truca mei que tot, qu’ei l’argument màger de l’Educacion Nacionau francesa. En efèit, que justifica lo nombre de pòstes ubèrts dab l’estagnacion deus efectius au nivèu.... estatau! Un rasonament de mau créder, parisenc cap e tot, mes qui pausa totun ua reflexion vertadèra sus la nosta faiçon de negociar dab l’estat.
En chifra, la hauça deus efectius en Ikastola qu’ei de 230 escolans, per un totau de 3900, e uns 200 regents. Alavetz 5,5 pòsts entà arcuélher 230 mainats mei que correspon haut o baish a classas dab un quarantenat d’escolans; en tot precisar que la reparticion vertadèra ei mei complèxa qu’aquò, dab mei d’un paramètre a considerar. Qu’ei d’aulhors ua de las entravas màgers: lo biaish d’interpretar las chifras, hèra diferent deu Bascoat estant que de París.
Ikastola que ten adara au Bascoat Nòrd 31 escòlas primàrias, 4 collègis e 1 licèu.
Ràdio País
Aqueste article es fruch d'un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo nombre dels escolans en ikastola es de mai en mai important e lo de las escòlas publicas baissa al Bascoat. Alara recèrcan de professors bascofòns pel collètge. L'Estat francés es fòrça embestiat per aquel fenomèn que mestresa pas.
Compreno pas : de qué vòl dire lo "nivèu estatau" ? Quand un sap que de tot biais lo ministèri es cronicament incapable de semondre las chifras dels escolans que segon de corses de LR a l'escòla publica… E se l'i a estagnacion, es que tot es fach per limitar las possibilitats, amb las "refòrmas" recentas.
M'estonava, ieu, que la Macronia ataquèsse pas las ikastolas. Ara es fach.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari