capçalera campanha

Actualitats

InternacionalPoliticaSocietat

Índia: las relacions omosexualas son pas pus un delicte

Fins ara, lo Còde Penal indian prevesiá de condemnacions d’entrò dètz ans de preson per las personas qu’aimèsson de personas del meteis sèxe

| Hindustan Times
D’èsser omosexual es pas pus un delicte en Índia. Dijòus passat, 6 de setembre, la Cort Suprèma del país decidiguèt de metre fin a 146 ans d’enebicion. Fins ara, lo Còde Penal indian prevesiá de condemnacions de fins a dètz ans de preson per las personas qu’aimèsson de personas del meteis sèxe a causa d’un article introduch per la lei britanica de l’epòca coloniala.
 
Aquela decision l’an festejada los activistas LGTBIQ+ en declarant que dijòus passat foguèt un grand jorn pels dreches umans. Ara, totun, se reclama la reconeissença de l’egalitat de dreches pel collectiu. Amnestia internacionala a saludat lo verdicte.
 
Lo president del tribunal justifiquèt la decision presa a l’unanimitat: “L’article 377 es arbitrari, la comunautat LGTBI a los meteisses dreches que las autras personas. Lo vejaire majoritari e la moralitat generala pòdon pas dictar los dreches constitucionals. La lei èra venguda una arma de fustigacion contra la comunautat LGTBI”.
 
Lo verdicte se prononcièt après que cinc personas o aguèt demandat en justificant que vivián amb la paur d’èsser fustigadas e maltractadas per la polícia.
 
 
Una enebicion abolida en 2009 e restaurada en 2013
 
En 2009, una senténcia del Tribunal Superior de Justícia de Nòva Delhi decidiguèt de legalizar las relacions omosexualas, mas en decembre de 2013 la Cort Suprèma d’Índia las declarèt tornarmai illegalas.
 
E mai lo Tribunal Superior de Justícia de Nòva Delhi aguèsse jutjat en 2009 que l’article 337 violava qualques articles de la Constitucion del país, de grops religioses e socials presentèron un recors a la Cort Suprèma d’Índia, que reprovèt lo tribunal de Nòva Delhi e confirmèt la repression dels omosexuals. Pasmens, ara la meteissa Cort Suprèma a anullat l’article 337 a l’unanimitat. 
 

 
 
 

 
 

 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Marx Engels Guevara
3.

E oc, that is the question : De que i a de revolucionari a se faire encuolar ?

  • 4
  • 0
Guilhem Pujol Sèta
2.

Ai pas res contra l'omosexualitat e personalament me'n bati. Aquo que trapi tras que sospièch es son entrumentalizacion febrila per las societats capitalistas coma marcaire de lor ben-pensança. Un biais per faire diversion sus ço qu'an de totalitari coma per exemple lor brutalitge economic. Podes contunhar d'arroïnar la planèta, d'espleitar los pobles e de los esclauvidar, dau moment que legalizas l'omosexualitat, aquo rai, sias brave. Diriai pas coma certs "mas enfin, de que i a de revolucionari a se far encuolar ?" mas i auria de que se questionar sus aquel enfumatge.

  • 11
  • 1
Pirolet
1.

De la copa als pòts,
i a un bon tròç!

I a la lei, e i a l'aplicacion de la lei. Cresi pas qu'en Índia siagan mai eficaces qu'en França.

  • 4
  • 0

Escriu un comentari sus aqueste article