Actualitats
L’IEA-AALO denonciarà dijòus a Euròpa lo non-respècte d’Espanha de sos engatjaments envèrs l’occitan
L’Intergrop de las Minoritats Tradicionalas, Comunautats Nacionalas e Lengas, que se tendrà dijòus a Estrasborg, tendrà la preséncia de l’Acadèmia Aranesa de la Lenga Occitana
Se parlarà occitan dijòus que ven, 13 de setembre, al Parlament Europèu. L’Institut d’Estudis Araneses-Acadèmia Aranesa de la Lenga Occitana (IEA-AALO) se presentarà aquel jorn al sèti estrasborgés del Parlament Europèu. Jusèp-Loís Sans, president de l’IEA-AALO, es estat d'efièch convidat per l’Intergrop de las Minoritats Tradicionalas, Comunautats Nacionalas e Lengas. Sans i serà acompanhat de la vicepresidenta de l’acadèmia Angelina Cases e de la secretària Ròsa M. Salgueiro.
Non-respècte de sos engatjaments de part de l’estat espanhòl
Dins son parladís, es previst que Sans denóncie lo non-respècte de las leis que tòcan la proteccion de l’occitan. En 2006, l’Estatut de Catalonha reconeguèt l’occitan lenga oficiala en Catalonha tota, mas lo govèrn espanhòl aplica pas encara aquela oficialitat e, doncas, l’occitan recep pas lo meteis tractament que las autras lengas oficialas de l’estat. E mai en 2001 lo govèrn espanhòl ratifiquèsse la Carta Europèa de las Lengas Regionalas o Minoritàrias, lo Comitat d’expèrts del Conselh dels Ministres del Conselh d’Euròpa determina dins sos rapòrts una manca importanta d’informacion suls engatjaments aquerits en educacion preescolara en occitan e en formacion del professorat, e planh la manca de tèxtes legislatius traduches en lenga nòstra. En mai d’aquò, la febla preséncia dels mèdias es remarcabla.
Cal tanben dire qu'a l’ora d’ara lo govèrn espanhòl finança las acadèmias lingüisticas de las lengas oficialas de l’estat espanhòl levat de l’IEA-AALO, e lo Ministèri de la Cultura pren pas en compte las ajudas a las publicacions e traduccions en occitan.
Non-respècte de sos engatjaments de part de l’estat espanhòl
Dins son parladís, es previst que Sans denóncie lo non-respècte de las leis que tòcan la proteccion de l’occitan. En 2006, l’Estatut de Catalonha reconeguèt l’occitan lenga oficiala en Catalonha tota, mas lo govèrn espanhòl aplica pas encara aquela oficialitat e, doncas, l’occitan recep pas lo meteis tractament que las autras lengas oficialas de l’estat. E mai en 2001 lo govèrn espanhòl ratifiquèsse la Carta Europèa de las Lengas Regionalas o Minoritàrias, lo Comitat d’expèrts del Conselh dels Ministres del Conselh d’Euròpa determina dins sos rapòrts una manca importanta d’informacion suls engatjaments aquerits en educacion preescolara en occitan e en formacion del professorat, e planh la manca de tèxtes legislatius traduches en lenga nòstra. En mai d’aquò, la febla preséncia dels mèdias es remarcabla.
Cal tanben dire qu'a l’ora d’ara lo govèrn espanhòl finança las acadèmias lingüisticas de las lengas oficialas de l’estat espanhòl levat de l’IEA-AALO, e lo Ministèri de la Cultura pren pas en compte las ajudas a las publicacions e traduccions en occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal denonciar a Europa totas aquestas manca de respectes dels Dreits Humans de l'Espanya encara franquista.
França = messonjas e raspeit pas sos empenhaments
Es lo govèrnamement francés que cal trigossar al tribunal. Es en França que vivon los Occitans. En Espanha, los Araneses son pas que 7600 personas.
França faguèsse per l'occitan lo quart de la mitat de çò que fa Espanha, trairiam pas mal.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari