Actualitats
L’eurocambra a votat una procedura de sancion contra Ongria
Lo Parlament Europèu denóncia la menaça “sistematica” sus las valors fondamentalas de l’UE en Ongria, e demanda l'aplicacion de l'article 7
Lo Parlament Europèu votèt ièr dimècres una procedura de sancion contra Ongria per aver afeblit la democracia, e demandèt l’aplicacion de l’article 7 de l’UE, que prevei la suspension de qualques dreches dont lo drech de vòte. L’eurocambra denoncièt la menaça “sistematica” sus las valors fondamentals de l’Union Europèa (UE) en Ongria. Lo vòte seguís lo rapòrt redigit per Judith Sargentini, dels Vèrds/ALE.
Es lo primièr còp que lo Parlament Europèu se pronóncia sus la situacion de l’estat de drech d’un estat membre e prepausa d’activar l’article 7. O a fach amb una majoritat solida: 448 vòtes en favor, 197 contra e 48 abstencions.
Una partida importanta del Partit Popular Europèu (PPE) a votat en favor, e mai ne faga partida Fidez, lo partit d’Orban que ten lo govèrn d’Ongria. Davant la controvèrsia generala dins lo grop, lo PPE a donat libertat de vòte a sos eurodeputats. Los representants del Partit Popular espanhòl se son en majoritat abstenguts, mas tres deputats an votat contra.
Per que siá aplicat l’article 7, caldrà qu’almens 22 dels 27 païses membres o decidisca dins lo Conselh Europèu.
L’article 7 menaça tanben Polonha
Tanben Polonha afronta aquela procedura. En aquel cas foguèt pas lo Parlament Europèu mas la Comission Europèa que lancèt la procedura après reclamar a Varsòvia qu’arrestèsse las reformas judiciàrias que, segon la CE, meton en perilh l’independéncia judiciària.
Quant a Ongria, en julhet passat Brussèlas denoncièt aquel país a la Cort de Justícia de l’Union Europèa per respectar pas la lei europèa tocant l’asil e los retorns dels migrants, e mostrèt son inquietud davant “la criminalizacion” de las organizacions umanitàrias que trabalhan amb los refugiats.
Es lo primièr còp que lo Parlament Europèu se pronóncia sus la situacion de l’estat de drech d’un estat membre e prepausa d’activar l’article 7. O a fach amb una majoritat solida: 448 vòtes en favor, 197 contra e 48 abstencions.
Una partida importanta del Partit Popular Europèu (PPE) a votat en favor, e mai ne faga partida Fidez, lo partit d’Orban que ten lo govèrn d’Ongria. Davant la controvèrsia generala dins lo grop, lo PPE a donat libertat de vòte a sos eurodeputats. Los representants del Partit Popular espanhòl se son en majoritat abstenguts, mas tres deputats an votat contra.
Per que siá aplicat l’article 7, caldrà qu’almens 22 dels 27 païses membres o decidisca dins lo Conselh Europèu.
L’article 7 menaça tanben Polonha
Tanben Polonha afronta aquela procedura. En aquel cas foguèt pas lo Parlament Europèu mas la Comission Europèa que lancèt la procedura après reclamar a Varsòvia qu’arrestèsse las reformas judiciàrias que, segon la CE, meton en perilh l’independéncia judiciària.
Quant a Ongria, en julhet passat Brussèlas denoncièt aquel país a la Cort de Justícia de l’Union Europèa per respectar pas la lei europèa tocant l’asil e los retorns dels migrants, e mostrèt son inquietud davant “la criminalizacion” de las organizacions umanitàrias que trabalhan amb los refugiats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Voler pas emigrants ilegals sense papers, es pas ser fachista.
Voler mai emigrants es pas ser fachista.
Es quand que l'eurocambra votarà una sanccion contra França per non-respièch de la Charta Europenca de las lengas regionalas ? Per son refus repetat de pas la ratificar per la melhor sabotar e rendre nulla e non advenguda son aplicacion sul terrictori frances ? en violacion manifèsta de las leis europencas e internacionalas ? Cal creire qu'en matièra de respièch de las leis europencas i doas menas de violaires : los missants violaires ( escandalos ! quina vergonha ! a mort ! ) e los bons violaires (pecaire, lo cal comprene... es pas vertadièrament de sa fauta... es mai complicat que ço que pensatz.. e puèi es un tipe plan, lo coneissi, i a saique una error...). En clar jutge e partida, dos pés doas mesuras..eca... L'avem vist amb l'indiferencia de Brusselas per la repression espanhola en Catalonha. #4 nos explica plan la logica d'aquestas leis europencas a geometria variabla. Pas glorios per Europa.
En responsa a un eurodeputat danés una eurodeputada olandesa a reconegut qu’en Espanha i aviá presonièrs politics e que caliá enquestar. ( Vilaweb).
#3 La diferéncia entre Ongria e Espanha es qu’en Espanha Catalonha es a far çò pièger : se vòl desliurar de l’estat espanhòl. E lo club dels estats ( UE ) o pòt pas acceptar. Val melhor una injusticiá pels catalans ( refús del drech a l’autodeterminacion) qu’un brave rambalh dins l’estat espanhòl. Mas lo nòu Rajoy es arribat ! Se sona Sánchez. Es mai jove e mai sexy. Lo Pedro. Es pas lo Jordi que fa gaireben un annada que dormís dins una jaula d’una Espanha ( democratica ) per aver volgut rompre un estat indivisible. Pel club dels estats lo problèma en Espanha es pas los presonièrs politics e los exiliats. Tanpauc lo refús del drech a l’autodeterminacion del pòble catalan. Tanpauc la politizacion de la justícia. Lo sol problèma es lo movement independentista catalan que vòl cometre lo crim absolut !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari