Victòria dels defensors del copyright al Parlament Europèu. L’eurocambra aprovèt ièr dimècres la lei suls dreches d’autor qu’a descadenat las protèstas de qualques collectius e usatgièrs en favor de la libertat d’expression e de difusion. Ara, comença un periòde de negociacion e en genièr se tornarà votar.
 
Un dels articles pus discutits es lo 13, qu’obliga las grandas plataformas de vidèo, mai que mai YouTube, de filtrar los contenguts que cargan los usatgièrs abans de los publicar per tal de detectar se respèctan o pas los dreches d’autor.
 
Tanben l’article 11 es a l’origina de la polemica, car establís una taxa europèa per mençonar d’articles o de materials amb dreches d’autor. Atal, los usatgièrs deuràn pagar una redevença per citar dins lors ligams d’articles de revistas o de jornals, de vidèos musicals o d’autres contenguts amb de dreches d’autor.
 
Se poirà pas tanpauc partejar los populars mèmes que mòstren d’imatges de sèrias o de filmes.
 
Las societats start-ups son exclusas d’aquela nòrma, mas non pas las personas ni las corporacions.
 
 

Males notícies: el Parlament europeu aprova els articles 11 i 13.

Volen crear un sistema on calgui pagar per enllaçar continguts a la xarxa i on existeixin filtres que validin quins continguts es pengen. Això afecta a l’ecosistema d’Internet i a la llibertat d’expressió.

— Amical Wikimedia (@AmicalWikimedia) 12 de setembre de 2018