A agut luòc un autre incident de la diplomacia espanhòla amb l’estat francés, ara a causa de la reünion del cònsol màger de Perpinhan, Jean-Marc Pujol, amb lo president de la Generalitat de Catalonha en foncions, Quim Torra, que se tenguèt lo 31 d’agost passat. Pujol a recebut una letra de l’ambaissador espanhòl a París, Fernando Cardedera, que li repròcha d’aver aculhit de biais institucional "un president anticonstitucional". Lo cònsol perpinhanenc s’es mostrat "fòrça estonat e fòrça acipat" de la letra, e a respondut a l’ambaissador espanhòl que Torra es un president "elegit democraticament" e se demanda "dempuèi quora los elegits territorials [se devon] justificar davant Espanha?".
 
Pujol recebèt Torra a la fin d’agost a la comuna de Perpinhan en portant un riban jaune, simbòl de la libertat dels presonièrs politics, e autregèt al president catalan la medalha d’onor de la vila de Perpinhan.
 
 

Els ambaixadors espanyols -el sou dels quals paguem en gran part els catalans- sempre vetllant per nosaltres. Gràcies alcalde @JeanMarcPUJOL per la vostra acollida. La medalla de Perpinyà llueix al Palau de la Generalitat, al costat d’un exemplar de les Constitucions Catalanes. https://t.co/khwc8DOojX

— Quim Torra i Pla (@QuimTorraiPla) 12 de setembre de 2018