Actualitats
120 ans de promocion literària en Gasconha
Reclams qu’a publicat ua garba de 88 articles d’autors contemporanèus dens dus revistas (n° 845 e 846) entà descobrir los poètas de uei
Còps que i a, daubuns que pensan qui, uei, n’i a pas mei autors occitans… Totun, la literatura que demora viva. Qu’ei de compte har! E despuish los ans 60, que i a navèths escrivans, navèths poètas.
Per Gasconha, l’associacion Edicions & Revista Reclams que joga lo ròtle. Au sègle XIX, los felibres qu’an embohat ua verdadèra aviada literària. En Gasconha, l’Escòla Gaston Fèbus que neishó d’aqueste movement. Los purmèrs membres qu’èran escrivans, poètas mes tanben maires, deputats, ministres... Lo prètzhèit qu’èra la lenga e la cultura. A l’entorn deu capdau, Adrien Planté, maire d’Ortès (Seuvestre) e deu secretari en pè, Miquèu de Camelat, escrivan deus màgers, qu’i avèva escrivans coneishuts coma Simin Palai, Cesari Daugèr o Isidòr Salas, e contaires locaus, escrivans en èrba. Que’s encontravan, que devisavan, los uns qu’aconselhavan aus autes. L’Escòla que descobrí navèths talents coma lo poèta biarnés Jean-François Bégarie; malament non tornè pas de la guèrra, qu’avèva 23 ans.
Adara l’Escòla qu’existeish totjorn, dab la medisha mission, la medisha fè e la medisha revista literària, Reclams. Qu’ei ua de las mei vielhas en activitat en Occitània. Lo prumèr numèro que data de heurèr 1897! Au cors de 120 ans d’existéncia, l’Escòla peu miei de la maison d’edicion Reclams, que publiquèn mei de 400 autors.
En 2018, entà descobrir los poètas de uei, que publiquèn ua garba de 88 articles d’autors contemporanèus dens dus revistas (n° 845 e 846). Que son tèxtes causits (pròsas, poesias, ensais, criticas) peu cap-redactor Sèrgi Javaloyès, e pareishuts despuish la mòrt de Miquèu de Camelat en 1962. 350 paginas entà gostar lo bon parlar e lo riquèr deus nostes escrivans. Qu’avem una bèra literatura e qu’ei tanben l’expression de la nosta cultura!
Anne-Pierre Darrées
www.reclams.org
Per Gasconha, l’associacion Edicions & Revista Reclams que joga lo ròtle. Au sègle XIX, los felibres qu’an embohat ua verdadèra aviada literària. En Gasconha, l’Escòla Gaston Fèbus que neishó d’aqueste movement. Los purmèrs membres qu’èran escrivans, poètas mes tanben maires, deputats, ministres... Lo prètzhèit qu’èra la lenga e la cultura. A l’entorn deu capdau, Adrien Planté, maire d’Ortès (Seuvestre) e deu secretari en pè, Miquèu de Camelat, escrivan deus màgers, qu’i avèva escrivans coneishuts coma Simin Palai, Cesari Daugèr o Isidòr Salas, e contaires locaus, escrivans en èrba. Que’s encontravan, que devisavan, los uns qu’aconselhavan aus autes. L’Escòla que descobrí navèths talents coma lo poèta biarnés Jean-François Bégarie; malament non tornè pas de la guèrra, qu’avèva 23 ans.
Adara l’Escòla qu’existeish totjorn, dab la medisha mission, la medisha fè e la medisha revista literària, Reclams. Qu’ei ua de las mei vielhas en activitat en Occitània. Lo prumèr numèro que data de heurèr 1897! Au cors de 120 ans d’existéncia, l’Escòla peu miei de la maison d’edicion Reclams, que publiquèn mei de 400 autors.
En 2018, entà descobrir los poètas de uei, que publiquèn ua garba de 88 articles d’autors contemporanèus dens dus revistas (n° 845 e 846). Que son tèxtes causits (pròsas, poesias, ensais, criticas) peu cap-redactor Sèrgi Javaloyès, e pareishuts despuish la mòrt de Miquèu de Camelat en 1962. 350 paginas entà gostar lo bon parlar e lo riquèr deus nostes escrivans. Qu’avem una bèra literatura e qu’ei tanben l’expression de la nosta cultura!
Anne-Pierre Darrées
www.reclams.org
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Gascon e sistèma verbal
Tot usatgièr expausat, en familha mixta o endacòm, a d'autres dialèctes, se manca pas de les comparar e de les judjar, coma de receutas de cosina, en perpensar a un estandard general, amb de critèris de simplicitat, regularitat, e de proximitat etimologica; de segur qu'es pas tostemps le lengadocian.
Le sistèma verbal gascon presenta d'avantatges evidents:
Aveva < habèbat, que fa son imperfèit coma un vèrbe en -AR
Díser, diserà, disi...
Etc...
Pensavi tanplan a ende/enta # per, correspondent sonque al "per" oriental.
Consí díser: ental pòble e pel pòble...
Mantun descendent de familha dialectalament mixta s'es fait un parlar ibride, ambe le melhor de cadun, non?
Vertat ! aqueths dus n° 845 e 846 , un plaser deus grans ! cada amorós de nòsta lenga s'i regalarà . Un MERCÉ per la revista Reclams !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari