Actualitats
L’ors Goiat demorarà dins los Pirenèus e mai las autoritats aranesas n’ajan demandat la repatriacion
La Generalitat de Catalonha vòl parlar amb los expèrts abans de repatriar l’ors per tal que se prenga pas cap de decision “a caud”
L’ors Goiat demorarà dins los Pirenèus malgrat que las autoritats aranesas n’ajan demandat la repatriacion. Los elevaires d’Aran e dels parçans de l’entorn reclaman que se retire los orses pr’amor qu’atacan los animals, e mai que mai l’ors Goiat qu’es lo qu’a comés la majoritat dels atacs. Mas la Generalitat de Catalonha vòl parlar amb los expèrts abans de repatriar l’ors Goiat, e mentretant, l’ors demora al país.
Lo director general de las politicas environamentalas de Catalonha, Ferran Miralles, explica que los expèrts devon convenir dels critèris de seguir per fòrabandir los orses, tant dins lo cas de Goiat coma dins los autres, per fin que se prenga pas cap de decision “a caud”.
Lo Conselh General d’Aran demandèt en junh passat a la Generalitat de Catalonha que se capturèsse e repatrièsse l’ors Goiat a causa de son agressivitat manifestada dins las darrièras annadas. Aquela decision se prenguèt al sen de l’institucion suprèma aranesa a l’unanimitat, e foguèt confirmada per una manifestacion d’elevaires a Vielha que demandavan una melhora gestion de la fauna fèra.
La reclamacion dels elevaires pirenencs ven en seguida dels atacs repetits, del comportament anormal e de l’instint agressiu de l’ors Goiat. L’obsession de Goiat envèrs los cavals dificulta enòrmament las mesuras de proteccion, que son pro malaisidas per l’elevatge equin del país. Durant lo solet estiu passat, Goiat a atacat los tropèls 27 còps. Al total, a tuat 22 fedas, una cabra e nòu cavals.
Lo menèron d’Eslovènia en junh de 2016
L’ors Goiat lo menèron en junh 2016 passat d’Eslovènia e lo liberèron al centre dels Pirenèus dins l’encastre del programa Piroslife. Segon de donadas de 2015, i auriá 33 especimens d’orses dins los Pirenèus, dont 10 femes. Pasmens, un solet mascle seriá paire e pairegrand de totes los orses nascuts dins las darrièras annadas. Per aquela rason, en seguida de la mòrt de l’ors Balou en 2014, decidiguèron de i menar Goiat. Aquel nom, que poiriá sonar occitan, foguèt causit en Palhars (Catalonha). En catalan d’aquel parçan tenon l’occitanisme “goiat” que vòl dire “gojat”.
Lo director general de las politicas environamentalas de Catalonha, Ferran Miralles, explica que los expèrts devon convenir dels critèris de seguir per fòrabandir los orses, tant dins lo cas de Goiat coma dins los autres, per fin que se prenga pas cap de decision “a caud”.
Lo Conselh General d’Aran demandèt en junh passat a la Generalitat de Catalonha que se capturèsse e repatrièsse l’ors Goiat a causa de son agressivitat manifestada dins las darrièras annadas. Aquela decision se prenguèt al sen de l’institucion suprèma aranesa a l’unanimitat, e foguèt confirmada per una manifestacion d’elevaires a Vielha que demandavan una melhora gestion de la fauna fèra.
La reclamacion dels elevaires pirenencs ven en seguida dels atacs repetits, del comportament anormal e de l’instint agressiu de l’ors Goiat. L’obsession de Goiat envèrs los cavals dificulta enòrmament las mesuras de proteccion, que son pro malaisidas per l’elevatge equin del país. Durant lo solet estiu passat, Goiat a atacat los tropèls 27 còps. Al total, a tuat 22 fedas, una cabra e nòu cavals.
Lo menèron d’Eslovènia en junh de 2016
L’ors Goiat lo menèron en junh 2016 passat d’Eslovènia e lo liberèron al centre dels Pirenèus dins l’encastre del programa Piroslife. Segon de donadas de 2015, i auriá 33 especimens d’orses dins los Pirenèus, dont 10 femes. Pasmens, un solet mascle seriá paire e pairegrand de totes los orses nascuts dins las darrièras annadas. Per aquela rason, en seguida de la mòrt de l’ors Balou en 2014, decidiguèron de i menar Goiat. Aquel nom, que poiriá sonar occitan, foguèt causit en Palhars (Catalonha). En catalan d’aquel parçan tenon l’occitanisme “goiat” que vòl dire “gojat”.
La Generalitat confirma que Goiat continuarà al Pirineu i que no actuarà fins que tanqui un protocol amb altres administracions https://t.co/Lr47r1OESC
— Aran Nau Digital (@aran_nau) 15 de setembre de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cresi que li haurien de donar manjà ont el ho sabés, daquesta manera non estaria afamat. Se non coma volen que puga viure sense menjà.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari