Actualitats
Castèudoble: Marine Le Pen tarabastada pels abitants
La cap de l'extrèma drecha francista i anèt per plànher publicament que lo vilatge provençal volguèsse aculhir 72 migrants, mas los abitants li mostrèron qu'eles sentián mai de solidaritat que de prejutjats e de xenofobia
D’efièch, Castèudoble es a mand d’aculhir 72 sollicitaires d'asil dins un ancian ostal de retirada, mentre que Le Pen auriá preferit que recebèsse "d'estudiants franceses que tanben patisson de condicions dificilas". Pasmens, los abitants senton mai que mai de compreneson e de solidaritat e "exprimisson mai d'empatia que de prejutjats a l'esgard de sei futurs vesins qu'an fugit la guèrra o la persecucion", çò rapòrta Var-Matin.
Mas diferents sits ultradrechistas e xenofòbs presentan los aculhits coma de "migrants clandestins" e afirman qu'una granda partida del vilatge es inquieta. Es justament aquela campanha antimigrants que la cap de l'ancian Front Nacional, ara nomenat Recampament Nacional, volguèt aprofechar per refortir son discors xenofòb. Mas ela s’embroncèt al refús popular e se visquèt quitament de moments de tension, que Le Pen atribuiguèt a de grops d'extrèma esquèrra.
Pr'aquò, Marine Le Pen considèra pas que sa vesita a Castèudoble aja fach chic. Segon ela, lor a permés de parlar de l'immigracion, qu'es lo tèma principal de sa campanha per las eleccions europèas venentas.
Déplacement à #Châteaudouble (Var) avec les élus RN de PACA, pour dénoncer l’installation de 72 #migrants dans ce charmant village de 470 âmes.
— Marine Le Pen (@MLP_officiel) 12 de setembre de 2018
Organisée dans des centaines de villages de France, ce n’est plus de l’immigration mais de la submersion ! MLP pic.twitter.com/2PfY4hMllF
Chahutée pendant sa visite à Châteaudouble, Marine Le Pen affirme que les manifestants contre sa venue étaient des « militants antifa de Marseille ».
— Quotidien (@Qofficiel) 14 de setembre de 2018
On a relevé son défi et on a retrouvé les « 20 énergumènes » qui habitent bien dans le village. @salhiabrakhlia#Quotidienpic.twitter.com/IHDQkxqNW2
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los fachistas son personas sensa formacion culturala. Hitler solament va estudiar la primaria, mas la secundaria non l'acabet e l'abandonet als 14 ans, non tenia cap títol acadèmic,e non poguet entrar pas a l'Escola de Bellas Arts de Viena, qu' era lo qu' a el li agradava. Perdet son paire als 14 ans e sa maire als 17, alavets haguet de terballar d'agranador e visquet uns ans molt paubrement. La frustracion e lo desesper lo feren tornar un neurotic e un psíquic.
Osca!! Lo poble se revelha e arrèsta de beure los discors faissistes e ageish contra aquestes guinhòls!! Osca!!
" foguèt fòrça estonada d’èsser tarabastada pels abitants."
Auriái pas jamai cregut que tant d'"abitants" avián cambiat d'opinion dempuèi las darrièras eleccions. Probablament d'"abitants" d'un jorn. Cresiái qu'èra Macron, lo responsable de l'"aculhensa" qu'èra en baissa dins los sondatges. I veirem pus clar l'an que ven aprèp las eleccions europencas.
https://www.lexpress.fr/actualite/politique/elections/presidentielle-2017/resultats-elections/ville-chateaudouble-83300_83038.html
#1 Puta, manca pas pus que lo comentari de l'afogat de f...desouche e la pobèla serà prèsta pel bordilhièr !
Ier, era decidat a aidar financierament Jornalet. Mas, aquel article m'en a fach passat l'enveja.
Qu 'un vilatge decida d'acuelhir daus migrants, quò es son dreit e en assuma las consequenças e los etats majors politics o associatifs an pas bsesonh sistematicament d'impausar lòrs idéias.
L'òm a pas de poder sus l'autre mas l'òm a dau poder sur se.
E me, ai pas enveja que Jornalet traita l'autra tot lo temps d' extrem-dreich, de xenofòbea coma si avia lo bon e lo diable. Ai pas envejat que dins la prochena campanha electorala se facha sur lo tem : tots contre l'estrem-dreicha , tots contre la xenofobia.
Perque lo diable es pas dins lo front nacionau. Es au poder emben Macron.
Migrant o anti-migrant es una dualitat. Los poderos impausan las dualitats dins tots los domeines per deviar lo problem vers de faus problems, de faus desbats. Entrainar l'autre dins una opausicion contre l'autre a totjorn estat una manipulacion per mielhs renhar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari