Actualitats
Garait: an ocupat la comuna per protestar contra l'expulsion d'un migrant
Un centenat d'abitants intrèron dins la sala del conselh municipal per manifestar lor solidaritat amb un jove sodanés convocat a la gendarmariá per èsser expulsat
La comuna de Garait (Nauta Marcha) foguèt envasida diluns passat per d’abitants que protestavan contra l’expulsion d’Abdel, un jove migrant sodanés, qu’èra convocat a la gendarmariá en vista d’una “readmission” vèrs Itàlia, davant lo silenci de la prefècta. Un centenat de manifestants, solidaris amb lo jove migrant, intrèron dins la sala del conselh municipal per manifestar lor solidaritat.
Un dels manifestants explica a La Montagne lo sentiment qu’an: “Avem enveja de dire que pro es pro, e subretot sem plan en colera contra la prefecta qu’a pres una decision fòrça radicala. Abdel a vencut la guerra e la tortura. Dins sa traversada que l’a menat en Itàlia, a perdut son amic. Lo renviar enlai, ont li digueron de venir en França, es abjecte. Aqueu ping-pong uman es abjecte”.
Diluns de ser, mentre que lo comitat de sosten èra ben partit per passar la nuèch a la comuna, Abdel arribava dins un centre de retencion en region parisenca.
Un dels manifestants explica a La Montagne lo sentiment qu’an: “Avem enveja de dire que pro es pro, e subretot sem plan en colera contra la prefecta qu’a pres una decision fòrça radicala. Abdel a vencut la guerra e la tortura. Dins sa traversada que l’a menat en Itàlia, a perdut son amic. Lo renviar enlai, ont li digueron de venir en França, es abjecte. Aqueu ping-pong uman es abjecte”.
Diluns de ser, mentre que lo comitat de sosten èra ben partit per passar la nuèch a la comuna, Abdel arribava dins un centre de retencion en region parisenca.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquela manifestacion de massa d'un centenat d'abitants (d'aprèp la polícia o d'aprèp los organisators ?) per sostene un immigrat fa plaser per una vilòta d'uni 13 mila abitants. Mas qun regret que i aje pas tant de monde per sostene la lenga del païs.
A totes los que clícon roge de lònga sans se justificar (o qu'ensolénton violentament), solament per l'etiqueta e la glorieta de justiciaires enternauticas qu'ansin s'atribuïsson, lurs rebecarai qu'assumisse ma libertat de tòn, la mesura de mas prepausicions, mon refús de la parcialitat ideulogica e de l'entegrisma politica.
Me fau las idèias miunas. Ai pas besonh d'un goro e d'un reglament que m'oblíjon de pensar "Règla n°1", "Règla n°2", "Règla n°3. De qué z-es aquò ? Siái liure de tot dògma religiós e politica.
Se mos comentaris toquent precisament la lenguistica e l'immigracion vos desagràdon d'un biais o d'un autre, amai siágon sovent mesurats, anatz vos far fotre.
Emmèrde l'estrèma-drecha coma l'estrèma-gaucha, lo nazisma coma La Terror. Emmèrde lo purisma coma la recuperacion, siágon lenguisticas o politicas.
Cèrque totjorn l'equilibri e la justícia, la justa mesura e lo pragmatisma quand se presenta una situacion complicada e tibada.
Se sètz pas capables de compréner questa pausicion, vos estonessiatz pas que i ague de chapinhadas per de parpèlas d'agaça... amai de guèrras.
Urosament, una part del poble Occitan passa a l'accion, e mostra a l'ensemble dels politics nacionalistas francés que una autra vesion del monde amb de solidaritats novèlas son possible! Osca als rasistants! Merda al indiferéncia! Viva l'umanisme!
Per aqueles que creiriáun que "Lo raiòu" emb d'autres comentaires son de sanles zenofòbas e de faissistas, respondrai que sostène completament l'accion menada per aquestes manifestants. E dire que "Abdel a vencut la guerra e la tortura... Aqueu ping-pong es abjècte" es pauc dire... Erosament que los reflèsses d'espontanèia e naturala solidaritat collectiva ciutadana son vius encara !
Ce que mai m'embèstia, es que faugue se presentar a centenadas dedinc l'estau comunau per butar a la presa de conciença que chau agir sus lo còp dinc parièira endevenença.
Comprene pas qu'aquela situacion ague pas fach l'objèct d'un conselh municipau ececionau de cotria emb de la populacion, per de dire de solucionar sans esperar la situacion d'aquel paure migrant.
Avèm francament un problèma : la recuperacion dau poder, la manca de comunicacion dals elèits, lur passavitat davant l'urgença. Patissèm finalament una mancarassa de vraia democracia !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari