Actualitats
An presentada una mocion en Sardenha per proclamar l’independéncia devèrs Itàlia
Lo Partit Sarde d’Accion l’a introdusida al conselh regional amb de referéncias als procèsses dobèrts en Catalonha e en Escòcia
Lo Partit Sarde d’Accion (PSd’Az) a presentat una mocion al conselh regional per promòure l’independéncia de Sardenha. Serà estudiada dins la reünion que ven dels caps dels partits amb representacion al conselh. Aquel meteis partit, lo PSd’Az, ne presentèt una de semblabla en 2009 mas foguèt refusada amb lo vòte desfavorable de la rèsta de las formacions sardas. Aqueste còp, lo PSd’Az a integrat al tèxt de la mocion de referéncias als procèsses sobeiranistas començats en Catalonha e en Escòcia.
Lo Partit Sarde d’Accion compta sonque amb 5 dels 80 conselhièrs de la cambra sarda e las possibilitats de succès de la mocion son inexistentas. En quin cas que siá, l’objectiu real del partit es de començar un debat sus la sobeiranetat e los procèsses d’independéncia en Euròpa.
Mai d’informacions:
L’Unione Sarda: Una mozione del Psd’Az in Consiglio: “Proclamiamo la Sardegna indipendente”
La Nuova Sardegna: Indipendentismo, il Psd’Az rilancia: “Sardegna diventi nazione”
Buongiornoalghero.it: Dichiarazione di indipendenza della Sardegna
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari