Actualitats
Lo Partit Nacional Escocés mobiliza sos militants per l'independéncia
L’SNP vòl “conversar” sus l'independéncia amb 50 000 escoceses en un jorn mentre que seràn pas levats los dobtes sul Brexit
Lo Partit Nacional Escocés (SNP) s'aprèsta a mobilizar sos militants lo 29 de setembre per “conversar” amb 50 000 escoceses sus l'independéncia del país. Se tracta d'una de las divèrsas accions que lo partit a previst de menar a bon tèrme per convéncer Escòcia de votar en favor de l'independéncia dins un eventual nòu referendum.
Lo govèrn de Nicola Sturgeon vòl convocar un segond vòte après que seràn coneguts los detalhs de la sortida del Reialme Unit de l'Unon Europèa (UE). Aquelas informacions, probablament, se saupràn pas fins al començament de 2019. L’SNP considèra qu'un marrit acòrdi —o un non-acòrdi— entre lo Reialme Unit e l'UE portariá tòrt a Escòcia e, en consequéncia, favoririá la causa independentista.
Mas l’executiu britanic prevei pas, per ara, de permetre la tenguda d’un segond referendum quatre ans après lo primièr. E lo cap del Partit Liberaldemocrata, Vince Cable, a prepausat que, en cas de convocacion del segond referendum, aqueste se faga a condicion que puèi i aja un referendum confirmatòri suls tèrmes de l’acòrdi de separacion del Reialme Unit e d’Escòcia.
Aquesta nòva es adaptada de Nationalia amb qui Jornalet ten un acòrdi de cooperacion.
Lo govèrn de Nicola Sturgeon vòl convocar un segond vòte après que seràn coneguts los detalhs de la sortida del Reialme Unit de l'Unon Europèa (UE). Aquelas informacions, probablament, se saupràn pas fins al començament de 2019. L’SNP considèra qu'un marrit acòrdi —o un non-acòrdi— entre lo Reialme Unit e l'UE portariá tòrt a Escòcia e, en consequéncia, favoririá la causa independentista.
Mas l’executiu britanic prevei pas, per ara, de permetre la tenguda d’un segond referendum quatre ans après lo primièr. E lo cap del Partit Liberaldemocrata, Vince Cable, a prepausat que, en cas de convocacion del segond referendum, aqueste se faga a condicion que puèi i aja un referendum confirmatòri suls tèrmes de l’acòrdi de separacion del Reialme Unit e d’Escòcia.
Aquesta nòva es adaptada de Nationalia amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari